• USD 378.65
  • EUR 430.07
  • RUB 6
  • CNY 55.1
21 Tamyz, 07:39:37
Alpınısterdiń naqty qaı jerde ekeni áli belgisiz

19 Shilde, 2019 Áleýmet

Qazaq áli de balasy oryssha bilim almasa, nanyn taýyp jeı almaıdy dep oılaıdy

«Táýelsizdik alǵasyn balalardyń óz ana tilinde bilim alýyna jaǵdaı jasaldy. Alaıda qazir de qalalardaǵy, aýdan ortalyqtaryndaǵy orys mektepterinde qazaq balalary oqyp júr» dep «Zamana» gazetine qynjylysyn jazǵan Bilim salasynyń ardageri Kóshkinbaı Elikbaevtyń sózi ashy bolsa da shyndyq.

Oqý-aǵartý isiniń ardageriniń aıtýynsha, Shymkent qalasyndaǵy №38 gýmanıtarlyq mektep-gımnazııasyndaǵy orys tilinde oqytatyn synyptardaǵylardyń kóbisi qazaq balalary. Qalanyń shaǵyn aýdandarynan kelip oqyp júr. «Turǵan jerińizde qazaq mektebi bar ǵoı. Balany nege munda jetektep ákelip oqytyp júrsiz?» – degen suraqqa ata-analar: «Qazaq mektepteri nashar oqytady», – dep jaýap bergen.

– Al shyn mánisinde qazaq mektebiniń oqytý bazasy, jańa tehnologııalarmen qamtylýy, muǵalimderdiń bilim deńgeıi orys mektebindegiden kem emes. Sonda da keıbir ata-analar «oryssha bilim almasa bala kúnin kóre almaıdy, nanyn taýyp jeı almaıdy, qyzmetke tura almaıdy» degen teris uǵymnan áli aryla almaı kelemiz, – deıdi avtor.

Ardager muǵalim ózge tilde oqyǵan bala óz eline murnyn shúıire qaraıtynyn aıtady.

– «Bala óz tilinde tárbıelenbese, óz halqyna qyzmet ete almaıdy», – deıdi Alash arysy Ahmet Baıtursynov. Anyǵynda orys mektebinde oqyǵan qazaq balasy óz ana tiliniń qaınar bulaǵynan sýsyndap, meıirin qandyra almaıdy. Ana tilinde ulttyq qundylyqtarymyzben tanysyp, kókeıine toqyp, bolashaǵyna baǵyt-baǵdar ala almaıdy. Sebebi ýyzǵa jarymaǵan bala ár nársege, shetelge eliktegish keledi. О́z ultyna murnyn shúıire qaraıdy. О́z ultyn mensinbeıtin urpaq óz elin de, jerin de súımeıdi. Al óz ana tilinde oqyǵan jas urpaqtan ultyn súıgen er-azamattar ósip shyǵady. Osy oraıda orys mektebi balalarǵa ulttyq ıdeologııany, ulttyq tálim-tárbıeni bere almaıdy. Bala eń aldymen óz ana tilinde bilim alýy kerek, – deıdi Kóshkinbaı Elikbaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir