• USD 378.65
  • EUR 430.07
  • RUB 6
  • CNY 55.1
26 Tamyz, 16:04:04
Nyǵmatýlın Parlamenttiń qos palatasyn birlesken otyrysqa shaqyrdy

19 Shilde, 2019 Áleýmet

О́ziniń kesilgen aıaǵyn temeki qorabynan kórgen albanııalyq qandaı áreketke bardy?

Fransııada turatyn 60 jastaǵy albanııalyq azamat temeki qorabynyń syrtynan óziniń kesilgen aıaǵynyń sýretin kórip, qatty qapa bolǵan.

Fransııanyń shyǵysynda ómir súrip jatqan múmkindigi shekteýli azamat qorap syrtynan týra óziniń aıaǵyn kórip qatty tań qalǵanyn jasyrmaıdy. Ol eshkimge óziniń fotolaryn jarııa etýge ruqsat bermegen dep jazady Qamshy.kz aqparat agenttigi.

Budan bólek, onyń aıaǵynyń kesilýine temeki shegýdiń múlde qatysy bolmaǵan. Syrtynda er adamnyń dene múshesiniń sýreti ornalasqan qorappen temeki satýǵa Eýroodaq ruqsat beripti-mys. Qorapta «shylym shegý – densaýlyqqa zııan» degen jazý bar.

60 jastaǵy Albanııa azamaty aıaǵynyń kesilýine óz elinde júrgende alǵan tereń jaraqat sebep bolǵanyn aıtady. Bul jaraqatty ol 1997 jyly alypty.

Alban azamatynyń advokaty eshbir kelisimsiz adamnyń sýretin jarııa etýge bolmaıtyny týraly hat jazyp, Eýropalyq komıssııaǵa joldaǵan. Fransııada turatyn azamat óziniń aıaǵyn erekshe belgileri arqyly tanyǵan. Aıaǵynda kúıikten qalǵan tyrtyqtary ońaı tanýǵa kómektesken.

Qoraptaǵy sýretti Albanııa azamatynyń balasy baıqap qalǵan. Jábirlenýshiniń óz aıtýyna nazar salsaq, bul foto aýrýhanada túsirilgen bolýy múmkin. О́ıtkeni, protez ornatý máselesi kezinde sýretke túsirgen eken, kesilgen aıaqtyń orynyn.

Jábirlenýshiniń advokaty bul jaǵdaıdy kórip, qatty tań qalǵanyn aıtady. Jaǵdaıdy túsindirý týraly ótinish hat jazylyp, biri aýrýhanaǵa, biri Eýrokomıssııaǵa joldanǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir