• USD 378.65
  • EUR 430.07
  • RUB 6
  • CNY 55.1
20 Tamyz, 16:23:41
Alpınısterdiń naqty qaı jerde ekeni áli belgisiz

12 Maýsym, 2019 Aımaqtar

Jambylda jas mamandardyń qatary artyp keledi

Jastar qalaǵa údere kóship, sonyń saldarynan bir kezderi turalap qalǵan aýyldyń tynys – tirshiligine qazir qan júre bastady. Keıingi jyldary joǵary oqý ornyn támamdaǵan jas mamandardyń aýyldy túletsem eken degen tilekteri oryndalyp, «Dıplommen aýylǵa» baǵdarlamasy olardyń bolashaǵyna jol ashty.

Elimizdiń erteńi sanalatyn jastardyń aýyl ómirinde alatyn orny erekshe. Sondyqtan, alǵyr da, parasatty, bilimdi jastardyń aýyldaǵy qaınaǵan tirshilikke aralasýy quptarlyq is. Jastar qalaǵa údere kóship, sonyń saldarynan bir kezderi turalap qalǵan aýyldyń tynys – tirshiligine qazir qan júre bastady. Keıingi jyldary joǵary oqý ornyn támamdaǵan jas mamandardyń aýyldy túletsem eken degen tilekteri oryndalyp, «Dıplommen aýylǵa» baǵdarlamasy olardyń bolashaǵyna jol ashty. Búginde atalmysh joba respýblıkalyq deńgeıde keń qoldaý taýyp, elimizdiń túkpir-túkpirinde óz jemisin berip jatqany qýantady. Burynǵydaı dıp­lomyn qushaqtap jumys izdeýshi jastardyń qatary da sıregen sekildi. Ásirese, áleýmettik sala mamandaryna suranys joǵary. Eń aldymen shalǵaı eldi mekenderdegi maman tapshylyǵyn joıýǵa baǵyttalǵan bul baǵdarlama sol suranysty tolyq ótep jatyr deýge ábden bolady. О́ıtkeni, aýyldy jerde bilim berý, densaýlyq, mádenıet jáne sport mamandyqtaryna birinshi kezekte jumys tabylady. Atalǵan baǵdarlamanyń ıgiligin kórip, aýylda abyroıly qyzmet etip júrgen osyndaı jas mamandardyń biri retinde Moıynqum aýdanynyń turǵyny Quralaı Aıtquldy aıtýymyzǵa bolady.

Keıipkerimiz – aýdan irgesindegi Jambyl aýyldyq okrýginiń týmasy. Osyndaǵy A.Qunanbaev atyndaǵy orta mektepti 2011 jyly támamdaǵan Quralaı sol jyly Qaraǵandy memlekettik medısınalyq ýnıversıtetine oqýǵa túsedi. Bala kúngi armanyna qanat bitirýdi kózdegen jerlesimiz atalǵan bilim ordasynda 5 jyl boıy «jalpy medısına» mamandaǵynda bilim alsa, odan keıingi 2 jylyn ınternatýraǵa arnap, terapevt dáriger biliktiligine qol jetkizedi. Odan keıin jas maman «Dıplommen aýylǵa» baǵdarlamasy arqyly joldamamen óziniń týǵan jerine kelip, osynda jumysqa ornalasady. Osylaısha, ótken jyly ǵana joǵarǵy oqý ornynyń túlegi atanǵan jas maman búginde bilikti dárigerge aınalǵan. Qazirgi kezde Moıynqum aýdandyq ortalyq aýrýhanasynyń «Jalpy emdeý» bóliminde terapevt dáriger bolyp jumys isteýde. Ol atalmysh baǵdarlamanyń jastar úshin áli de bereri mol ekenin aıtady.

Meniń bul baǵdarlamanyń bereri mol ekendigine kózim jetti. Elbasymyz jas mamandarǵa: «Aýylǵa elim dep, jerim dep óskeleń urpaqtyń bilim, tálim – tárbıe alýyna óz úlesterińdi qosýǵa kelip jatqandaryń úlken erlik. Endi jas urpaqty tárbıelep, otbasyn quryp, osy aýyldyń zııaly qaýymyna aınalasyńdar...» - dep aıtqan bolatyn. Osy maqsatpen týǵan aýylymdy túletýge, deni saý urpaq tárbıeleýge kúsh jumsaýdamyz, – deıdi Quralaı bizben áńgime arasynda.

Jas mamannyń aıtýynsha, ol ótken jyly joldamamen kelgende aýdannan 165 myń, oblystan 850 myń teńge kóleminde bir rettik kóterme járdemaqy alǵanyn aıtady. Quralaı osynda turmys qurǵandyqtan, baspanaǵa asa qajettilik bolmaǵan. Sondyqtan, baǵdarlama aıasyndaǵy úı kezegine turmapty. Al, aýdan ákimdiginiń ekonomıka jáne bıýdjettik josparlaý bóliminiń bergen málimetine súıensek, Moıynqum aýdany boıynsha ústimizdegi jyldyń tórt aıynda 5 jas mamanǵa turǵyn úı satyp alý úshin bıýdjettik kredıt berilipti. Ol úshin aýdan qazynasynan 18 mıllıonnan asa qurjy jumsalǵan. Sonymen qatar, jyl basynan beri 19 mamanǵa bir rettik kóterme járdemaqy berilip, bul maqsatqa 3 mıllıon 358 myń teńge bólingen eken. Aıta ketý kerek, bıyl ótken jylǵa qaraǵanda aýdanǵa atbasyn burǵan bilim salasyndaǵy mamandar eki esege ósipti. Dálirek aıtsaq, byltyrǵy jyldyń alǵashqy tórt aıynda aýdannyń bilim berý salasyna 7 maman kelgen bolsa, bıyl bul kórsetkish 15 adamǵa jetip otyr. Mine, osylaısha oblys ortalyǵynan eń shalǵaı ornalasqan Moıynqumǵa «Dıplommen aýylǵa» baǵdarlamasy arqyly kelip jatqan jas mamandar sany jyl ótken saıyn artyp keledi. Sáıkesinshe, olardyń áleýmettik máseleleri de memlekettiń tıimdi qoldaýynyń arqasynda ońtaıly sheshilýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir