18 Shilde, 2019 Taǵaıyndaý
Prezıdent Arýjan Saındy jańa qyzmetke taǵaıyndady
Buǵan deıin bala quqyqtary jónindegi ýákil qyzmetin Sáýle Aıtpaeva atqarǵan bolatyn
Qazaqstan prezıdenti Qasym-Jomart Toqaevtyń jarlyǵymen Arýjan Saın bala quqyqtary jónindegi ýákil qyzmetine taǵaıyndaldy dep habarlaıdy Qamshy.kz aqparat agenttigi Aqorda. saıtyna silteme jasap.
"Memleket basshysynyń ókimimen Arýjan Saın Qazaqstan Respýblıkasyndaǵy Bala quqyqtary jónindegi ýákil qyzmetine taǵaıyndaldy", - delingen jarlyq mátininde.
Al buǵan deıin bul qyzmetti atqarǵan Sáýle Aıtpaeva prezıdenttiń ókimimen qyzmetinen bosatyldy.
Arýjan Saın
Arýjan Saın Qyzylorda qalasynda dúnıege kelgen. 1993 jyly Qazaq memlekettik ýnıversıtetine (qazirgi QazUÝ) geografııa fakýlteti, ekologııa jáne monıtorıng kafedrasyna oqýǵa túsken.
2006 jyly "Meıirim" erikti qoǵamy" qaıyrymdylyq qoryn qurǵan. Qor balalar men sábı úılerine, sonymen qatar, naýqas balalarǵa kómek kórsetedi.
Sondaı-aq, Arýjan Saın qor aıasynda aýyr dertke shaldyqqan balalardyń emine aqsha jınap, bala asyrap alý, ınklıýzııa máselelerimen aınalysady.
2012 jáne 2015 jyldary Arýjan Saın "Jyldyń qoǵam qaıratkeri" nomınasııasy boıynsha "Halyq súıiktisi" ulttyq júldesiniń laýreaty atandy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir