• USD 378.65
  • EUR 430.07
  • RUB 6
  • CNY 55.1
20 Tamyz, 03:18:24
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

18 Shilde, 2019

Arnaıy reportaj: №42 mektepte saýda-sattyq jasalynatyny ras pa?

О́tken aptada Irına Sovetjanqyzy júrgizetin «Qamshy-suhbat» YouTube arnasynda Oblys ákimi Amandyq Batalovpen suhbat kezinde Ile aýdanyndaǵy №42 mektep týraly birqatar kereǵar pikirler aıtylǵan. Atap aıtsaq, mektepte saýda-sattyq jasalynatyny jáne mektep dırektorynyń muǵalimder atynan nesıe alǵany týraly aqparat tarady. Oblys ákimi bul jaǵdaılar rastalsa, bundaı soraqylyqqa shara qoldanatynyn aıtyp qalǵan.

Kúni keshe alageýim ýaqytta "Komsomol qaıdasyń?" dep jolǵa shyqtyq. Almatydan alshaq jatqan aýyl eken. Mektep jańa hám eńseli kórinedi. Esik aldynda qarań-qurań etken onshaqty adamnyń sulbasy. Bu kisiler mektep dırektory Janar Baqytqyzy bastaǵan muǵalimder ujymy eken.

"Qamshy-suhbat" baǵdarlamasyndaǵy Amandyq Batalovpen suhbatqa silteme: EKSKLIýZIVTI SUHBAT: Almaty oblysynyń ákimi Amandyq Battalov nege ókinedi?

Ǵalamtorda tarap ketken basshylary týraly aqparatty jalǵan dep tanyǵan kisilerdiń qosyny – bul. Qup! Qamshy.kz aqparat agenttiginiń qos jýrnalısi mán-jaıdy anyqtap, pikirler toptamasyn jikteı bastadyq. Anyqtalǵandaı (muǵalimderdiń aıtýynsha):

  1. Bul ujymdy basqarǵan ýaqytynda Janar Baqytqyzy eshqandaı muǵalimge "nesıe alyp ber" dep ótinish jasamaǵan. Tipti, mektep dırektory jeke basyna qatysty nárselerdi muǵalimdermen bólispeıtin
  2. Ǵalamtorda tarap, oblys basshynyń aldyna deıin barǵan fotoda bastaýysh synyp muǵalimi bazardan qaıtqan betinde bir qujatqa qol qoıý úshin mektepke bas suqqan. Jazǵy demalys kezinde mektepte júrgen qurbylar (muǵalimder) bazarlyq qyzyqtaýǵa kóshkende (qalta aqtaryp) bir barmaǵyn ishine búkken bireý syrttan fotoǵa shyrt etkizipti-mys.

1

Pikirler qaıshylyǵy baıqalmaıdy. Muǵalimder appaq shashtaryn, neshe jylǵy bala tárbıelegen tájirıbelerin alǵa tartyp, aq ekenderin aıǵaqtaýǵa umtylyp baǵady. Qup! Eńseli eki qabatty jańa mektep basshysynyń kabıneti kire beriste ornalasypty. Syrty áınekpen jabylǵan. Dırektordyń qalaı qımyldaǵany muǵalim bylaı tursyn, oqýshylarǵa kórinip turady.

  • "Men osyndaı aqparat shyqqan kezde qatty qapa boldym. Bir ǵana foto arqyly, qate maqsatta túsirilgen foto arqyly adamnyń ómiriniń tas-talqanyn shyǵarýǵa bolady ma eken?! Men muǵalimderge qatty sóılep, namysyna tıgen emespin. О́zderi aıta jatar, ol jaǵyn. Mektepte saýda-sattyq múldem bolmaıdy. Al álgi kredıt degen, tipti, kúlkińdi keltiredi. Sanasy saý adam óz qujatymen ózgege aqsha alyp berýshi ma edi?!" - deıdi mektep dırektory.

Aǵymdaǵy jyldyń 11-sáýirinde mektep kóleminde saýda-sattyq jasaýǵa tyıym salynǵany týraly buıryq shyǵarylǵan. Buıryqqa muǵalimderdiń barlyǵy "tanystym" dep jazyp, qol qoıǵan. Mór basylǵan qujatty Janar Baqytqyzy bizge de kóldeneń tartty.

2

Dóńgelek ústel basyna jıylǵan ujymnyń bári dırektordyń ústinen aıtylǵan dúnıelerdi túgeldeı joqqa shyǵardy.

  • "Dırektorǵa jeke múddesi arqyly qarsy bolyp júrgen áldebireý bolmasa, ujymdyq bóliný, qyzmetke, saǵatqa talas degen bizde atymen joq", - degenge saıady muǵalimderdiń pikiri.

"Men sol kabınette bolǵan muǵalimderdiń birimin. Mektep aldy daıarlyq bóliminde sabaq beremin. Meniń qolymdaǵy bazarlyq - úıime alǵan zattarym. Eshqandaı saýdamen aınalyspaımyn", – deıdi shýly fotodaǵy "keıipkerlerdiń" biri. 

Jýrnalısterge óz erikterimen túsinik berýge jıylǵan muǵalimderdiń pikirlerin tómendegi vıdeodan kóre alasyzdar:

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir