• USD 378.65
  • EUR 430.07
  • RUB 6
  • CNY 55.1
22 Tamyz, 07:07:12
Senim údesinen shyqqan bank

18 Shilde, 2019 NEWS

"Májbúrli túrde dári-dármek beredi": Qazaqstan ınternattarynda balalar quqyǵy buzylyp jatyr

Qujatta "Qazaqstan múmkindigi shekteýli balalarǵa qajetti barlyq jaǵdaıdy jasap, olardyń jabyq mekemelerde emes, otbasynda turýyna múmkindik berýi qajet" dep jazylǵan.

"Qazaqstanda ınternat tıptegi mekemelerde múmkindigi shekteýli balalarǵa kúsh kórsetilip, májbúrli túrde dári-dármek beredi, ondaǵy balalar ózderin qorǵansyz sezinedi" delingen Human Rights Watch halyqaralyq adam quqyǵyn qorǵaý uıymynyń arnaıy esebinde. Uıym esebin búgin, 17 shildede jarııalady dep jazady Qamshy.kz aqparat agenttigi centralasian.org saıtynyń deregin negizge alyp. 

Qujatta "Qazaqstan múmkindigi shekteýli balalarǵa qajetti barlyq jaǵdaıdy jasap, olardyń jabyq mekemelerde emes, otbasynda turýyna múmkindik berýi qajet" dep jazylǵan.

Uıym ókilderi 2017 jyldyń qazan aıy men 2019 jyldyń sáýir aıy aralyǵynda múgedektigi bar 27 bala men jasóspirimnen suhbat alǵan. Buǵan qosa, múgedek balasy bar ata-analar men ınternat qyzmetkerlerimen de sóılesken. Uıym ókilderi osyndaı balalarǵa arnaıy áleýmettik kómek kórsetetin úsh ortalyqta bolǵan.

Zertteýshilerdiń suraqtaryna jaýap bergen balalar ózderin ınternatta uryp-soqqanyn, kúshtep tynyshtandyratyn preparat bergenin, jasy kishi balalardy qaratyp, jórgegin tazalaýǵa mindettep, ǵımarat ishin jınaý sııaqty jumystardy júktegenin aıtqan.

Mekeme qyzmetkerleri qatty shýlap, emge kónbeıtinderge psıhotropty preparattar bergenin rastaǵan. Mundaı preparattardy ádette shızofrenııa belgileri paıda bolǵan kezde, naýqas uıyqtaı almaǵanda nemese qatty aýyrǵan kezde qoldanady.

Eńbek jáne halyqty áleýmettik qorǵaý mınıstrliginiń málimetinshe, Qazaqstanda múmkindigi shekteýli balalarǵa arnalǵan ınternat tıptes 19 memlekettik mekeme bar. Onda eki myńnan asa bala bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir