AQSh Venesýeladaǵy oppozısııany qoldaý úshin 42 mln dollar bóledi

Halyqaralyq damý agenttiginiń Kongreske joldaǵan qyzmettik haty The Los Angeles Times gazetine kelip túsken.

40 mıllıon dollar oppozısııa lıderi Hýan Gýaıdonyń komandasyna beriledi. Aqsha oppozısııalyq shtab qyzmetkerlerine aılyq retinde, is saparlaryna, demokratııalyq basqarý jáne saılaý kampanııasyn júrgizý tehnologııalary boıynsha semınarlar uıymdastyrý úshin jumsalady.

​Donald Tramp jáne onyń ulttyq qaýipsizdik boıynsha kómekshisi Jon Bolton Karakastyń resmı úkimetin “Nıkolas Madýronyń burynǵy rejımi" dep ataıdy. AQSh, Eýropanyń kóp ólkeleri jáne Latyn Amerıka Gýaıdony Venesýelanyń zańdy ýaqytsha prezıdenti retinde tanyǵan. Vashıngton venesýelalyq qashqyndardy kórshi elderge jaıǵastyrý boıynsha iri qarajat jumsady. Venesýelanyń AQSh-taǵy konsýldyqtarynda Madýro tarabynan taǵaıyndaǵan dıplomattar Gýaıdony jaqtaǵandarmen almastyrylyp jatyr.

42 mıllıon dollardy Ortalyq Amerıkadaǵy úsh ólkeniń ekeýi – Gvatemala men Gondýras almaq. Bul elderde Qurama Shtattarǵa ketýdi qalaıtyndar kóp. Sebebi, ólkede zorlyq-zombylyq keń etek alǵan.

Vashıngton ótken jyly Ortalyq Amerıkaǵa gýmanıtarlyq járdem retinde 370 mıllıon dollar bólgen. Donald Tramp eger jergilikti bılik mıgrasııa aǵymyn toqtatpasa, járdem berilmeıtinin eskertken.