• USD 378.65
  • EUR 430.07
  • RUB 6
  • CNY 55.1
24 Tamyz, 06:50:30
Qoryqshylardyń materıaldyq-tehnıkalyq bazasy kúsheıtiledi

18 Shilde, 2019 NEWS

Túlekterge qosymsha bólingen bes myń grant kimderge beriledi?

Oqýǵa túse almaǵan túlekter qosymsha grantty alýǵa ótinish bere alady

Bilim jáne ǵylym mınıstri Ashat Aımaǵambetov qosymsha 5 000 grantty taratý jaıynda aıtyp berdi dep habarlaıdy Qamshy.kz aqparat agenttigi Sputnik Qazaqstan saıtyna silteme jasap. 

Mınıstrdiń aıtýynsha, qosymsha granttar tek eki sanatqa jatatyn jastarǵa beriledi. Olar - kópbalaly otbasydan shyqqandar men ataýly áleýmettik kómek alatyndar.

"Olar aldymen jalpy konkýrsqa qatysa alady. Bıyl oǵan 53 myń grant bólinip otyr. Sonyń aıasynda grattar ádettegideı ulttyq biryńǵaı testileýden alǵan upaı sany boıynsha taratylady. Odan óte almasa, tamyzdyń basynda jergilikti atqarýshy organdarǵa ótinish berýge bolady. Búginde qosymsha granttardyń aqshasy ákimdikterge tolyǵymen bólindi", - dedi Aımaǵambetov jýrnalısterge bergen suhbatynda.

Onyń sózine qaraǵanda, ákimdikke kópbalaly otbasydan shyqqany, ıa bolmasa ataýly áleýmettik kómek alatyny týraly qujattar tapsyrý qajet. Odan keıin ulttyq biryńǵaı testileýdiń kýáligin ótkizýi kerek. Úmitkerlerdi iriktegende upaı sany eskeriledi.

"Máselen, pedagogıkaǵa qosymsha 100 grant bólindi deıik. Oǵan respýblıka boıynsha 200 adam talassa, granttyń 100 ıegerin ulttyq biryńǵaı testileýdiń qorytyndysy boıynsha anyqtaıdy. Upaıdyń shekti sanyn da jınaýy da mindetti", - dep atap kórsetti Aımaǵambetov.

Aıta ketsek, negizgi 53 785 grantqa túlekter 21-31 shilde aralyǵynda respýblıkalyq konkýrsqa qatysyp, baǵyn synaıdy. Al sol jalpy konkýrs boıynsha grantqa ıe bolmaǵan kópbalaly otbasydan shyqqan jáne ataýly áleýmettik kómek alýshylar sanatyndaǵy talapkerler qosymsha bólingen 5 myń grantty alý úshin tamyz aıynyń 5-10 aralyǵynda kelesi konkýrsqa qatysýǵa jergilikti atqarýshy organdarǵa ótinish berýi tıis.

Jeńimpazdardyń tizimi jergilikti buqaralyq aqparat quraldarynda jarııalanady. Grant ıegerlerine ádettegideı 20 949 teńge kóleminde stıpendııa taǵaıyndalmaq. Sonymen qatar demalys kezinde jylyna eki ret jol júrý ótemaqysy tólenedi.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir