• USD 378.65
  • EUR 430.07
  • RUB 6
  • CNY 55.1
26 Tamyz, 15:02:55
Nyǵmatýlın Parlamenttiń qos palatasyn birlesken otyrysqa shaqyrdy

17 Shilde, 2019 Aımaqtar

Saǵyntaevtyń qatysýmen Almaty qalasy máslıhaty turaqty komıssııalarynyń otyrysy ótti

Almaty máslıhatynyń depýtattarymen kezdesý kezinde qala ákimi B.Saǵyntaev qalanyń áleýmettik-ekonomıkalyq damýynyń birinshi jartyjyldyqtaǵy negizgi qorytyndylary men ekinshi jartyjyldyqtyń mindetterin talqylady dep habarlaıdy Qamshy.kz aqparat agenttigi. 

VI shaqyrylymdaǵy Almaty qalasy máslıhaty turaqty komıssııalarynyń birlesken otyrysyn máslıhat hatshysy Qaldybaı Qazanbaev ashty.

Baqytjan Saǵyntaev

Kezdesý barysynda megapolıs ákimi Almatyny damytýdyń birinshi kezektegi mindetteri men baǵyttary boıynsha óziniń boljamdarymen bólisti.

Barlyq ekonomıkalyq kórsetkishter boıynsha damýdyń oń dınamıkasy saqtalǵan. Mysaly, alty aıdyń ishinde alty bazalyq salalardyń (ónerkásip, aýylsharýashylyǵy, qurylys, saýda, kólik, baılanys) qysqa merzimdi ekonomıkalyq ındıkatory 104%-dy quraǵan. Investısııa kólemi 8%-ǵa, ónim óndirisi 5,2%-ǵa, qurylys 3,9%-ǵa, turǵyn úı salý 2%-ǵa ósti. Salyq jınaý 1 trln teńgede asyp, 10%-ǵa ulǵaıdy. ShOB sýbektileri shyǵarǵan ónimder 9,8%-ǵa kóbeıdi. Jalpy, birinshi jartyjyldyqtyń qorytyndysy boıynsha jalpy óńirlik ónim shyǵarý (JО́О́) kem degende 3,5%-ǵa ósedi dep kútilýde.

Alaıda, B.Saǵyntaev qalada sheshimin kútken máselelerdiń jetkilikti ekenin atap ótti.

«Problemalar bárimizge tanys. Ol - laıyqty jalaqysy bar jumys oryndarynyń jetispeıtindigi. Birinshi kezekte qajet azyq-túlik baǵalarynyń ósýi, kommýnaldyq qyzmet baǵalarynyń qymbattaýy, turǵyn úıdiń joqtyǵy, ekologııa, medısınalyq qyzmet sapasy men qoǵamdyq qaýipsizdik. Qalalyqtar bizden ádil sheshimder meni tıimdi is-qımyldardy kútýde. Biz týra osy baǵytta jumys jasaıtyn bolamyz. Jedel ári joǵary jaýapkershilikpen. Qala qoǵamdastyǵymen aqyldasa otyryp», - dep atap ótti Almaty ákimi.

B.Saǵyntaev megapolısti damytý perspektıvalaryna toqtaldy, mundaǵy basty maqsat - qalalyqtardyń tabys deńgeıin kóterý, ómir súrý sapasyn jaqsartý.

Ákim Almatyny «Shetsiz qala» qaǵıdasy boıynsha damytý qajet ekendigin atap ótti. «Ortalyq pen shet aımaqty damytýdaǵy dısbalansty joıý qajet, bul - prınsıpti másele. Shettegi adamdar ortalyq turǵyndary sııaqty sapaly qyzmet túrlerin alýlary tıis» - dep atap ótti Almaty ákimi.

Sıfrlarǵa kóz júgirtip ótelik: sońǵy bes jyl ishinde qalanyń ortalyq aýdandarynyń aýmaqtaryn abattandyrý úshin 65 mlrd teńge kúrdeli qarjy jumsalǵan, al shettegilerge bólingeni 15,5 mlrd teńge ǵana. Sonyń saldarynan shet aımaqtar turǵyndary ómirlik qajetti ınfraqurylymdar – ortalyqtandyrylǵan sý, gaz jelileriniń, kóshe jaryǵynyń joqtyǵyn aıtyp shaǵymdanýda. Mundaǵy joldyń sapasy da tómen, avtobýs baǵyttary jetkiliksiz.

«Jaǵdaıdy túbegeıli ózgertý qajet», - dep atap ótti Almaty ákimi.

«Bizdiń maqsatymyz - taıaýdaǵy úsh jyl ishinde jaǵdaıdy túbirinen ózgertip, qalanyń shet aımaǵyndaǵy ómir súrý deńgeıin arttyrý. Jumys oryndaryn qurý, eski úılerdi súrý, áleýmettik nysandardy salý, abattandyrý, shaǵyn jáne orta bıznesti yntalandyrý boıynsha aýqymdy baǵdarlamalar ázirleý qajet», - dep basa kórsetti B.Saǵyntaev.

Qala basshysynyń tapsyrmasy boıynsha aýdan ákimdikteri 1 tamyzǵa deıin jergilikti turǵyndardy tolǵandyratyn máselelerdi jedel sheshý boıynsha naqtyly josparlardy ázirleıtin bolady.

B.Saǵyntaev megapolıstegi oryn alǵan problemalardy sheshý úshin bıýdjet saıasatynyń tıimdiligi artatynyn atap ótti. Sonyń arqasynda qalany ortalyqtandyrylǵan sý, gaz jelilerimen, jaryqpen tolyǵymen qamtamasyz etý josparlanǵan. Osy kezeń ishinde aýlalardy abattandyrý da aıaqtalýy tıis.

Buǵan qosa, alda qoǵamdyq kólikti jańartý, oqýshy oryndarynyń jetispeýshiligin azaıtý, PIK-ter men basqarýshy kompanııalardyń, qala ákimdikteri men basqarmalary jumystarynyń ashyqtyǵy men tıimdiligin arttyrý mindetteri tur. Sonymen qatar, BUU usynysyna sáıkes bıýdjettiń «halyqtyń qatysýy» mehanızmin engizý josparlanǵan.

Kezdesý barysynda máslıhat depýtattary Vladıslav Lı, Marat Abdýllaev, Erbolat Kasymov, Lázzat Qaltaeva, Kenjehan Matyjanov, Sergeı Kozlov jáne Murat Ádilhanov usynystaryn aıtty jáne damýdyń aktýaldy máselelerin kóterdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir