Almaty ákimi Baqytjan Saǵyntaevtyń qatysýmen qala aktıvi ótti

QR Prezıdenti Q-J.Toqaevtyń tapsyrmasy boıynsha Almaty ákimi B.Saǵyntaev qala aktıvin ótkizip, onda 15 shildedegi Úkimettiń keńeıtilgen otyrysynda Memleket basshysynyń alǵa qoıǵan mindetterdi júzege asyrý máseleleri qaraldy dep habarlaıdy Qamshy.kz aqparat agenttigi.

B.Saǵyntaev Almatyny odan ári órkendetýdiń strategııalyq baǵytyn aıqyndady jáne olardy sheshý sharalaryn atap ótti. Almatyny damytýda Prezıdent Q-J.Toqaevtyń saıası platformasynda kórinis tapqan "Shetsiz qala" konsepsııasyna basa nazar aýdarylatyn bolady.

Halyqtyń negizgi áleýmettik suranystaryn sheshý qajet, ıaǵnı laıyqty jalaqysy bar jumys oryndaryn ashý, birinshi kezektegi azyq-túlik baǵalary men kommýnaldyq qyzmet tarıfteriniń qymbattaýyna jol bermeý, qoljetimdi turǵyn úı salý, ekologııany saqtaý, medısınalyq qyzmettiń sapasyn arttyrý, qoǵamdyq qaýipsizdikti qamtamasyz etý qajet.

Almaty ákimi aımaqtardy abattandyrý, áleýmettik qyzmetterdiń qoljetimdiligi, «qarapaıym zattardyń» ekonomıkasyn, áleýmettik ınfraqurylym men áleýmettik kásipkerlikti damytý boıynsha birqatar tapsyrmalar berdi.

Jergilikti atqarý organdary úshin qalalyqtardyń tabys deńgeıin arttyrý men ómir súrý sapasyn jaqsartý boıynsha tapsyrmalar paketi jasaldy.