• USD 378.65
  • EUR 430.07
  • RUB 6
  • CNY 55.1
20 Tamyz, 03:09:43
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

17 Shilde, 2019 NEWS

Arysta radıasııa qaýpi bolýy múmkin: 4 adam aıaq astynan qaıtys boldy

Arys qalasynda oryn alǵan jarylystan keıin ólim-jitim birinen soń biri kóbeıdi.

Arysta 18 jastaǵy jas jigit belgisiz jaǵdaıda qaıtys boldy, dep habarlaıdy Qamshy.kz aqparat agenttigi Stan.kz saıtyna silteme jasap. 

Shymkent qalasynda oqıtyn stýdent dúkenge shyǵyp, kenetten qulap, júregi toqtap qalǵan. Qara jamylǵan otbasydan suhbat alý múmkin bolmady, alaıda marqum jigittiń anasynyń qurbysy oqıǵanyń qalaı bolǵanyn aıtyp berdi.

"Sap-saý júrgen bala, syrqat degendi bilmeıdi. Jap-jarqyn, otbasynyń qamqorshysy. Túski ýaqytta dúkenge baryp, sol jaqta esinen tanyp, qaıtys boldy. Shynymdy aıtsam, sene almaı otyrmyz. Kóz aldymyzda ósken bala edi. Onyń neden qaıtys bolǵany áli naqtylanbady. Dárigerler denesin alyp ketti, qorytyndy jasalynbady áli", - degen Altynaı Shyntasova qurbysynyń ulynyń óliminen soń alańdaýshylyq tanyta bastaǵanyn jetkizdi. Aıtýynsha, Arys qalasynda oryn alǵan jarylystan keıin ólim-jitim birinen soń biri kóbeıdi.

"О́tkende ǵana torabtyq aýrýhanaǵa jaqyn mańda turatyn er kisiniń osylaı esinen tanyp, qaıtys bolǵanyn bilemiz. Odan keıin jýyrda qaladaǵy mekemelerdiń birinde eden jýýshy bolyp jumys isteıtin áıel de kenetten qaıtys boldy. Jaqynda ózimniń synyptasym baqılyq boldy. Sap-saý júrgen adamdar. Túsinemin, egde jastaǵy adamdar qaıtys bolǵan bolsa jasy kelgen der edik. Biraq jap-jas adamdar, artynda jylap-eńirep bala-shaǵasy qaldy. Arysta radıasııa joq deıdi. Eger joq bolsa, nege bizdiń densaýlyǵymyz jıi syr beredi. Dárisiz júre almaıtyn boldyq. Nege ólim kóbeıip ketti", - dedi turǵyn.

Al Arys qalasynyń ákimi Murat Qadyrbek shaharda radıasııa qaýpi joq dep sendirdi. Sebebi arnaıy quzyrly mekemedegiler barlyq tekserý sharasyn júrgizgen. Eger qandaı da bir qaýip bolsa, turǵyndar qalaǵa kirgizilmeıtin edi dep otyr. Tipti arystyqtar tutynyp otyrǵan sýdan da keler zııan joq degendi alǵa tartty.

Esterińizge sala ketsek, 24 maýsym kúni Túrkistan oblysy, Arys qalasynda iri jarylys boldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir