• USD 468.56

  • EUR 497.56

  • RUB 7.3

  • CNY 67.18

28 Naýryz, 15:30:32
Almaty
+35°

16 Shilde, 2019 Arnaıy jobalar

Latyn álipbıine kóshý taǵy 10 jylǵa sozyla ma?

Ortalyq memlekettik organdar 2024-2025 jyldardan bastap is qaǵazdaryn latyn álipbıinde júrgizetin bolady

Qazaqstanda latyn grafıkasyna aýysý 2020-2035 jyldarǵa sozylady degen málimetti mádenıet jáne sport mınıstrligi joqqa shyǵardy dep habarlaıdy Qamshy.kz aqparat agenttigi sputniknews.kz saıtyna silteme jasap.

Buǵan deıin "Izvestııa" basylymy jarııalaǵan jańalyqqa sáıkes, Qazaqstan úkimeti "latyn álipbıine kóshýdi taǵy on jylǵa sozý" máselesin qarastyryp jatyr-mys.

"Qazaqstan Respýblıkasynyń tuńǵysh prezıdenti – Elbasynyń "Qazaq tili álipbıin kırıllısadan latyn grafıkasyna kóshirý týraly" jarlyǵyna sáıkes Qazaqstan úkimeti álipbıdi 2025 jylǵa deıin kezeń-kezeńimen aýystyrý úshin sharalar josparyn bekitti", - dep mádenıet jáne sport mınıstrliginiń til saıasaty komıtetiniń tóraǵasy Ǵalymjan Meldeshov.

Latyn álipbıine kóshý sharalarynyń jospary úsh kezeńnen turady. 2018-2020 jyldary normatıvtik quqyqtyq aktilerdi jetildirý, jańa álipbıdiń jazý erejelerin qurastyrý jáne mátinderdi latyn grafıkasyna kóshirip jazatyn IT qosymashalar jasap shyǵarý kózdelgen.

"Kelesi kezeń 2021-2023 jyldarǵa josparlanǵan. Osy aralyqta memlekettik jáne jergilikti atqarýshy organdar qabyldaǵan normatıvtik quqyqtyq aktiler latyn grafıkasyna kóshiriledi, tólqujat, jeke kýálik jáne basqa qujattar aıyrbastalady", - dep atap ótti Meldeshov.

2024-2025 jyldary memlekettik organdar men jergilikti atqarýshy organdar is qaǵazdaryn latyn álipbıinde júrgize bastaıdy. Memlekettik BAQ pen bilim berý mekemeleri de latyn grafıkasyna aýysady.

"Qazir 2020-2025 jyldarǵa tilderdi damytý jáne qoldaný týraly memlekettik baǵdarlamalar ázirlenip jatyr. Negizgi maqsat – latyn grafıkasy negizinde qazaq álipbıin jańǵyrtý", - dedi Meldeshov.

Aıta ketsek, Elbasy Nursultan Nazarbaevtyń tapsyrmasy boıynsha Qazaqstan 2025 jylǵa deıin latyn álipbıine kóshýi tıis. Budan buryn Qasym-Jomart Toqaev álipbıdegi kemshilikter  jaıly qoǵamnyń pikiri eskeriletinin aıtty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir