• USD 378.65
  • EUR 430.07
  • RUB 6
  • CNY 55.1
22 Tamyz, 07:10:10
Senim údesinen shyqqan bank

16 Shilde, 2019 Oqıǵalar

Elordada 13 jastaǵy bala 10 myń volt tokqa túsip qaldy

Jazataıym oqıǵa balalar oınap júrgen oıyn alańynda bolǵan. Jetkinshek jabyq oıyn alańyna shyǵyp, baıqaýsyzda elektr jelisin ilip alyp ketken.

Elordadaǵy turǵyn úılerdiń alańynda oınap júrgen 13 jasar bala 10 myń volt tokqa túsip qaldy dep habarlaıdy Qamshy.kz aqparat agenttigi "Eýrazııa birinshi arnasyna" silteme jasap. 

Jazataıym oqıǵa balalar oınap júrgen oıyn alańynda bolǵan. Jetkinshek jabyq oıyn alańyna shyǵyp, baıqaýsyzda elektr jelisin ilip alyp ketken. Sol sátte ony tok uryp, bala esinen tanyp, jerge qulaǵan. Bala aman qalǵan, alaıda oqıǵa saldarynan klınıkalyq ólimdi basynan ótkergen. Osy derek boıynsha tergeý amaldary júrgizilip jatyr. 

Oqıǵa kýágeri Mádına Dósetova oqıǵa ornynan tabylyp, jetkinshekke kómektesken.

"Men  qoqys tógýge  bara jatqam. Sosyn bir kezde bala qulap jatyr eken, prıstýp ustady ma, sýdoroga ustady ma dep jaı qolyn sıpap jatyr edim, ana bala dirildep jatyr, toq soǵyp ketken. Eshqandaı tehnıka qaýipsizdigi joq, ol bala qaıdan biledi provodty", - deıdi kýáger.  Bul oqıǵadan keıin balalaryn syrtqa shyǵarýǵa qorqyp qalǵan ata-analar oıyn alańynda esh qaýipsizdik tehnıkasy saqtalmaǵan elektr jelisine KSK ókilderine shaǵymdanǵan. Alaıda úsh kúnnen beri qulyp qoıǵannan basqa shara qoldanbaǵan. 

"Ana balanyń aýzynan tútin shyqty deıdi. Biraq onyń tútin ba ne ekenin túsinbedik. Nemeremniń de túri buzylyp ketken. Mine, osy kelesi podezde turady. Balalarǵa rasynda da mynaý óte qaýipti eken. Qyzyma da, kúıeý balama da aıtamyn jolatpandar, jaı jerde oınasyn dep", - deıdi qala turǵyny Aıǵanym Júrimbaeva. 

Bul másele turǵyndardy ǵana emes, quzyrly organ ókilderin de alańdatyp otyrǵan kórinedi.  “Biz oqıǵa bolǵan jerge sol kúni bardyq. Máseleni egjeı-tegjeıli zerttep, oıyn alańyn ýaqytsha jaýyp tastadyq. Atalmysh máselege baılanysty jınalys boldy. Budan bylaı elektr jelilerin jerdiń astymen ótkizý kerektigi jaıly usynys aıtyldy. Osy máselege baılanysty aldaǵy ýaqytta jumystar atqarylady", - deıdi Saryarqa ákimdiginiń bólim basshysy Baqtııar Topaev.

Jetkinshek qalalyq balalar aýrýhanasynda dárigerlerdiń jiti baqylaýynda jatyp, em-dom qabyldaýda. Ázirshe dárigerler túrli dene jaraqatyn alǵan balanyń jaǵdaıy týraly qandaı da bir aqparat berýden bas tartyp otyr. Aıta keteıik, bul kópqabatty turǵyn úı 1983 jyly eksplýatasııaǵa berilgen. Sodan beri elektr jelileri fýtbol alańynyń ústimen júrgizilip, sol kúıi qalǵan. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir