Amerıkalyq ıslamǵa til tıgizdi: Qazaqstan sýısıd boıynsha neshinshi orynda tur?

Sabyr etersiz, qadirli oqyrman! Bizdiń Táýelsiz Qazaqstanymyz 30 jyldyq egemendik mejesinde Orta Azııa elderi boıynsha óz-ózine qol jumsaýdan kósh bastap keledi.

30 jyl kólemindegi masqara statıstıkany shyǵarǵan amerıkalyq Hıýston-Daýntaýn ýnıversıtetiniń muǵalimi Shahnaz Savanı edi. «Orta Azııadaǵy sýısıd: Adam ómirin qorǵaýdyń joldary men tásilderi» degen taqyrypta baıandama oqyǵan amerıkalyq abyroıdy aırandaı tókti.

Endi paıyzǵa kezek berelik. О́ziniń ómirin óz qolynan qıǵandardyń 48,1 paıyzy Qazaqstanda, 15,8 paıyzy Túrikmenstanda, 13,6 paıyzy О́zbekstanda, 7,2 paıyzy Tájikstanda oryn alǵan.

Shahnaz Savanıdiń aıtýynsha, atalǵan elderde ıslam dinin ustanatynyna qaramastan, óz-ózine qol jumsaý faktileri azaımaı tur. Shahnazdyń oıynsha, ıslam dini qate basqan adamǵa úlken jaza qoıyp, kinásin betine basa beredi jáne eshqandaı jan-jaqty qoldaý kórsetpeıdi-mys.