• USD 378.65
  • EUR 430.07
  • RUB 6
  • CNY 55.1
25 Tamyz, 07:25:02
Qoryqshylardyń materıaldyq-tehnıkalyq bazasy kúsheıtiledi

16 Shilde, 2019 NEWS

Beıbit Atamqulov Toqaevqa: Qazaqstan kapıtalyn syrtqa tasyp jatyr

QR Syrtqy ister mınıstri Beıbit Atamqulov memleket basshysyna eldegi kapıtaldyń shet elderge ketip jatqany týraly ashyp aıtty.

Qazaqstan Respýblıkasynyń prezıdenti Qasym-Jomart Toqaevtyń basshylyǵymen ótken Úkimettiń keńeıtilgen otyrysynda Syrtqy ister mınıstri Beıbit Atamqulov kóptiń kókeıinde maıdaı kilkigen máseleni jaıyp saldy dep jazady Qamshy.kz aqparat agenttigi.

Memlekettiń syrtqy saıasatyna tikeleı qatysy bar atqaminer el shýlap, jurt jyrlap jaýyr qylǵan taqyrypty prezıdent qulaǵyna jetkizýge múddeli boldy. Birneshe jyl boıy qaıtalanyp, qazirgi ýaqytta tamyr jaıyp úlgergen bul úrdisti shekteý - jaýaptylardyń mindeti. 

"Bizdiń eksport jolymyz qıyn, sanksııalyq soǵystardyń salqyny bar, onyń ústine Iran arqyly shyǵatyn tranzıttik jol da óziniń keri áserin tıgizýde. Kaspıı teńizi arqyly júretin tranzıttik joldyń baǵasy ósti. Qazir bizde budan da bólek máseleler barshylyq. Myna nársege basa nazar aýdarǵym keledi: birneshe jyl boıy Qazaqstannyń kapıtaly syrtqa ketip jatyr. О́zimiz ósirgen, ózimiz qoldaǵan kásipkerlerdiń qazir kóptegen jańa bastamalarǵa ınvestor bola alatyn shamasy bar. Biraq olar barlyǵyn shetelge tasıdy. Nege? Mine, osynyń bárin, ishki máselelerdi retteıtin zań qajet", - dedi Beıbit Atamqulov. 

Al jeli qoldanýshylary Syrtqy ister mınıstriniń kótergen máselesin kún tártibindegi eń mańyzdy másele dep tanyp, qolpashtap, qyzý qoldap jatyr. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir