• USD 378.65
  • EUR 430.07
  • RUB 6
  • CNY 55.1
21 Tamyz, 18:25:40
Bala quqyqtaryn qorǵaý - aldyńǵy orynda

15 Shilde, 2019 NEWS

Qazaqtyń "Muzbalaǵy" Halyqaralyq kınofestıvalden júldemen oraldy

О́tken kúzde kartına qazaqstandyq prokatta boldy

Rejısser Turdybek Maıdan men Tilek Tóleýǵazynyń "Muzbalaq" anımasııalyq fılmi 2019 jyldyń 7-14 shilde aralyǵynda Reseıdiń Iаroslav qalasynda ótken «Otbasymen birge» 14 HKF-da Qazylar alqasynyń arnaıy júldesine ıe boldy dep habarlaıdy Qamshy.kz aqparat agenttigi Qazaqfılm saıtyna silteme jasap.

Kartına QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasynda túsirilgen.

«Muzbalaq» anımasııalyq fılmi qazaqtyń ǵasyrlar boıy qalyptasqan saıatshylyq mádenıeti jáne adam men búrkit arasyndaǵy dostyq týraly baıandaıdy.

Muzbalaq

 «Bul bizdiń eńbegimizdiń jemisi. «Muzbalaq» fılmin halyqaralyq qazylar alqasy joǵary baǵalaǵany qýantady. Halyqaralyq anımasııalyq kınofestıvalderdi áli de tańǵaldyratyn bolamyz»,- dedi «Qazaqfılm» AQ anımasııalyq birlestiginiń jetekshisi Adaı Ábildınov.

«Otbasymen birge» kınofestıvali dástúrli túrde otbasylyq jáne balalarǵa arnalǵan úzdik fılmderdi usynady. Kınofestıvaldiń basty maqsaty – otbasy, meıirimdilik, mahabbat, adamgershilikke tárbıeleıtin fılmderdi tanymal etý.  Ár jyl saıyn festıval uıymdastyrýshylary jańa qalalardy tańdap,  erekshe konkýrstyq jáne oıyn-saýyq baǵdarlamalaryn daıyndaıdy.  Qazylar alqasyna reseılik jáne sheteldik kınoóner maıtalmandary shaqyrylady.

Esterińizge sala keteıik, «Muzbalaq» byltyr QR Kınematografısteri Odaǵynyń «Qulager» júldesinde, «Úzdik anımasııalyq fılm» nomınasııasy boıynsha jeńimpaz atanǵan. Sonymen qatar, XVII «Alaý rýhy» Halyqaralyq kınematografııalyq debıýtter kınofestıvaliniń balalar jáne jasóspirimder fılmderi konkýrstyq baǵdarlamasyna qatysqan (Hanty-Mansıısk, RF).

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir