• USD 468.56

  • EUR 497.56

  • RUB 7.3

  • CNY 67.18

29 Naýryz, 19:29:05
Almaty
+35°

15 Shilde, 2019 Oqıǵalar

Nur-Sultan qalasynyń 20 jastaǵy turǵyny Qytaıda jumbaq jaǵdaıda qaza tapty dep habarlaıdy Qamshy.kz aqparat agenttigi Tengrinews.kz saıtyna silteme jasap.

Sandıra Serikhanova Chanchjoý qalasyndaǵy Jiangsu University of Technology úshinshi kýrsta oqyǵan. 

"Ol óz kúshimen grantqa tústi, qytaı tilin jarty jyl ishinde úırendi. О́te sabyrly qyz boldy, aqsha taýyp ta úlgeretin. Osy jyldyń basynda Qazaqstannan kelgen basqa qyzben tanysty. Ol áldeqaıda úlken jáne, bizdiń paıymdaýymyzsha olardyń minezi eki basqa bolǵan. Anam Sandıradan olardyń ortaq nemen aınalysatynyn, nege aralasyp júrgenin birneshe ret surady", - deıdi qyzdyń tátesi Alnýra Aǵaeva.

26 sáýirde kúndizgi ýaqytta ol óziniń jańa tanysymen jáne onyń Shymkent pen Almatydan kelgen eki joldasymen kafege barǵan. 

"Olar shamamen 21-22 jasta. Keıinirek Instagram-nan Sandıranyń hat almasýynan biz olardyń osy kezdesýge birneshe kún boıy suranǵanyn bildik. Aldymen bári jaqsy boldy. Sodan keıin osy jigitterdiń biri qyzymyzdy óz páterinen birdeńe alyp ketýge kómektesýdi surady. Ol, shamasy, eshteńe oılamastan kelisken. Bul úıde tek lıftte beınebaqylaý bar. Sol jerde ol aldymen lıftke kirýge qaımyqqany kórinedi, sodan keıin jigit ony kóndirgen. Odan ári ne bolǵanyn biz onyń sózinen ǵana bilemiz. Olar 17-shi qabatqa kóterilip, onyń páterine kirgen. Páterden shyqqan kezde qyzdyń jylaǵanyn kórýge bolady, biraq nege ekenin, ol túsindire almaıdy. Shok alyp, esinde eshteńe qalmaǵanyn aıtady. Sodan keıin ol lıftke bardy, qyz artta qaldy. Kenetten aıǵaılaǵan daýystar estigen, ol baspaldaq aralyǵyndaǵy balkonǵa júgirip, tómengi qabattan birinshi krossovkany, sodan keıin 7-shi qabattaǵy saýda ortalyǵynyń shatyrynda qyzdy kórgen", - dep jalǵastyrdy Alnýra áńgimesin.

Qyzdyń ákesi sol kúni Qytaıǵa ushyp ketken. 

"Isti qytaılyq polıseıler tergep jatyr. Olardyń aıtýynsha, bul sýısıd. Biraq qyzdyń mundaı áreketke barýyna eshqandaı jaǵdaı bolǵan emes. Ol kúnine birneshe ret anasymen hat almasatyn. Al 30 maýsymda kanıkýlǵa kelip, kishkentaı inileri men qaryndastaryna syılyqtar satyp alǵanyn aıtqan. О́zin, ádettegideı ustaǵan, emtıhanǵa daıyndalyp júrdi. Sol jerde ákeme aldyn ala daıyndalǵan ssenarıı boıynsha jaýap berdi. Onyń boıy uzyn, shamamen bir metr seksen santımetr. Sol súıenish ıyqqa jetedi. Al Sandıranyń boıy ary ketse bir metr alpys santımetr bolatyn. Onyń boıy súıenishke jetpeıtin. Oǵan qosa, sekirý úshin joǵaryǵa órmeleýi kerek bolǵan. Biraq ol jerde eshqandaı saýsaq izderi joq", - deıdi Sandıranyń tátesi. 

Qaza tapqan qyzdyń denesi  Nur-sultanǵa jetkizildi, jerleý rásimi kelesi kúni ótti. Onyń týystary áli kúnge deıin tergeý qandaı kezeńde ekenin bilmeıdi.

"Syrtqy ister mınıstrliginde tergeý jalǵasyp jatqanyn, al ýnıversıtettegi kýratory tergeýdiń aıaqtalǵanyn jazady. Qolymyzda tek qaıtys bolǵany týraly kýálik bar, bizge sot-medısınalyq saraptamanyń qorytyndysyn da, oqıǵa ornynan foto nemese beıne bergen joq. Sol jigitter men qyzdar bizdi barlyq áleýmettik jelilerde buǵattap, baılanysty úzdi, Qazaqstanǵa demalysqa qaıtyp kelmedi. Bizdiń quqyq qorǵaý organdary da bizben baılanysqa shyqqan joq, tipti kóńil aıtpady da", - dep qorytyndylady ol.  QR SIM ókilderi qazaqstandyq qyzdyń qaıtys bolǵanyn rastady, alaıda qandaıda bir naqty málimetti keıinirek berýge ýáde berdi. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir