• USD 378.65
  • EUR 430.07
  • RUB 6
  • CNY 55.1
21 Tamyz, 22:48:08
Senim údesinen shyqqan bank

15 Shilde, 2019 Saıasat

"Otyryńyz, sizdiń baıandamańyz úlken kúdik týǵyzady. Tekserý kerek": Toqaev mınıstrge shúılikti

Úkimettiń keńeıtilgen otyrysynda prezıdent tranzıtten túsetin tabys máselesine toqtaldy.

Qazaqstan prezıdenti Qasym-Jomart Toqaev Indýstrııa jáne ınfraqurylymdyq damý mınıstri Roman Sklıar keltirgen derekterge kúdikpen qarady dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Úkimettiń keńeıtilgen otyrysynda prezıdent tranzıtten túsetin tabys máselesine toqtaldy.

"Kelesi jyly tranzıtten 5 mıllıard dollar tabys taba alamyz deımiz. Biz ol jaıynda barlyq konferensııa men forýmda aıtamyz. Osy jospardy oryndaı alamyz ba?", - dep surady Toqaev.

Mınıstr Roman Sklıardyń aıtýynsha, ótken jyly barlyq kólik túri boıynsha tranzıtten 1 mıllıard 700 mıllıon dollar túsken bolatyn.

"Bıyl osy kórsetkish 2 mıllıard 400 mıllıon dollar bolady degen jospar bar. Al kelesi jyly 3 mıllıard 300 mıllıon bolady. Negizgi sebep - syrtqy sanksııalardyń kesirinen Iranǵa jáne Kavkaz arqyly Túrkııaǵa baratyn tasymaldyń tómendeýi. Esesine elektrondy kommersııanyń kólemi ósip keledi. 2025 jyly onyń kórsetkishi shamamen 3,5 mıllıard dollarǵa jetedi. Sondyqtan tranzıttiń tabysyn Qytaıdan Eýropaǵa jiberiletin sálemdemelerdiń esebinen óteıtin bolamyz", - dep Sklıar málimet berdi.

Alaıda Toqaev mınıstrdiń jaýabyna qanaǵattanǵan joq.

"Otyryńyz, sizdiń baıandamańyz úlken kúdik týǵyzady. Tekserý kerek", - dedi Toqaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir