Gennadıı Golovkın — TMD elderindegi eń tabysty boksshy

Forbes jýrnaly 2019 jyly eń kóp qarjy tólengen sportshylardyń tizimin jarııalady dep habarlaıdy Qamshy.kz aqparat agenttigi tengrinews.kz saıtyna silteme jasap.

Tizimge qazaqstandyq tanymal boksshy Gennadıı Golovkın engen. GGG-diń bıyl tapqan jalpy tabysy 25,5 mln dollardan asyp úlgerdi. Onyń 23,5 mıllıon dollary - Rollspen aıqasy úshin gonorar, al 2 mıllıon dollar - demeýshilik kelisimsharttardan túsken.

Forbes reıtınginde Golovkın 95-orynǵa turaqtaǵan jáne postkeńestik elder arasynda tizimge engen jalǵyz sportshy atandy.

Eske sala ketsek, kanadalyq boksshy Stıv Rollspen kezdesý Golovkın úshin Dazn alańyndaǵy alǵashqy aıqas boldy. Dazn-men kelisimshart aıasynda 100 mıllıon dollarǵa baǵalanǵan taǵy bes kezdesý josparlanyp otyr.