14 Shilde, 2019 Music
Qazaqstandyq ánshi Ádilhan Makın halyqaralyq "Vıtebsk-2019" jas oryndaýshylar baıqaýynda kósh bastap keledi dep habarlaıdy Qamshy.kz aqparat agenttigi.
Birinshi kúnniń qorytyndysy boıynsha Ádilhan Makın 90 upaıdan 89 jınady. Ol Igor Nıkolaevtiń "Ozero nadejdy" ánin oryndady. Baıqaýdy belarýs Ivan Zdonıýk ashty.
Konkýrsanttar slavıan kompozıtorlarynyń shyǵarmalaryn oryndady. "Bir ǵana upaı jetpeı qaldy. Jaratqanǵa myń alǵys, qazylar alqasyna qurmetim sheksiz, meni qoldap jatqandardyń barlyǵyna alǵys aıtamyn", - dep jazdy ánshi Instagram jelisindegi paraqshasynda.
Bastapqyda baıqaýda 18 eldiń qatysýshylary óner kórsetedi dep josparlanǵan, alaıda Slovakııa men Kýbanyń ártisteri kele almaı qaldy.
Osyǵan baılanysty bıyl 16 eldiń ónerpazy bas júldege talasady. Sharaǵa alǵash ret Shveısarııa men Qytaı ánshileri qatysyp jatyr.
Bıyldan bastap baıqaýǵa ózgerister engizildi: uıymdastyrýshylar jartylaı fınaldan bas tartýdy uıǵarǵan. Ártisterdiń vokalyna Reseıdiń halyq ártisi Tamara Gverdsıtelı bastaǵan ádil qazylar alqasy baǵa beredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir