• USD 468.56

  • EUR 497.56

  • RUB 7.3

  • CNY 67.18

29 Naýryz, 12:47:15
Almaty
+35°

14 Shilde, 2019 NEWS

Erdoǵan – "qytaıshyl ma", "orysshyl ma?"

Túrkııa túrikteri bul qorlyqqa qashanǵy tózer deısiń?..

Iá, Túrkııa prezıdenti Erdoǵannyń sońǵy kezderi ustanyp otyrǵan saıasatyna qarap, onyń taza túrikshil emes ekendigi eshqandaı daý týǵyzbasa kerek.

Túrkııa – Túrkııa bolǵaly  eshkimge jáne eshqashan da bodan bolmaǵan memleket. Osman ıperııasy degen atpen 700 jylǵa jýyq dúnıeniń  kóp bóligin jaýlap alǵan, olarǵa bıligin júrgizgen  ımperııa ekeni ótirik emes.

Túrkııa túrikteriniń, qaıtalap aıtamyn, bizdegi qyzyl ımperııanyń qulaqkesti quldary sanalatyn tarıhshy ǵalymsymaqtar túrik halyqtaryn «túrki halyqtary» dep keshegi Kúltegin jazbalaryndaǵy qasıetti «TÚRIK» ataýyn qasaqana burmalap jazyp kelejaqanyn qaıtalap aıtqym keledi.

Aıtpaqshy, óz basym 1992-2000 jyldar aralyǵynda Qazaq televızııasynan apta saıyn ár qaısysy 30 mınýttan turatyn «Túrik danalary» atty telebaǵdarlamanyń avtory ári júrgizýshisi bolǵan kezden bastap «TÚRIK» dep anyq jazyp kelemin. Orysquldar sııaqty «túrki» dep jazýǵa áli de qarsymyn.

Al, endi osy Túrkııa túrikteri – qaı zamanda da orys pen qytaıdyń aıtqanymen júrip, aıdaǵanyna eshqashan da kónbegen, erjúrek, batyr da qaharman ult ekenin óz basym maqtanysh tutamyn. Al, Erdoǵan bolsa, kún saıyn qytaı men orystyń yǵyna jyǵylyp bara jatqany janyńdy aıazdaı qarıdy eken.

Qazir búkil álem alańdaýshylyq bildirip otyrǵan Qytaıdyń Shyǵys Túrkistanyndaǵy uıǵyr, qazaq, qyrǵyzdardy ashyq orlap otyrǵanyn, qandas baýyrlarymyzdy konsentrasııalyq azap lagerlerine qamap, jaýyzdyqtyń ne sumdyǵyn kórsetip jatqanyn ashyq jazyp jatsa, ana Erdoǵan: «ondaǵy qandastarymyz baqytty ómir súrýde» dep, aıdy aspanǵa biraq shyǵaryp otyr. Ana ornyna jabysyp alǵan bizdiń «kún kósem de», onyń qyzy da, tutas qul bılik te, dál sondaı kózqarasta.

Sonda deımin-aý, myna bizdikilerdi basqasha saıratyp otyrǵan qytaı men orysta ne qudiret bar eken?

Tuqymynan ury, jemqor, teksiz sorlylardy qurtyp otyrǵan analardan  olardyń ofshorlardaǵy esep-shottaryna quıylyp jatqan júzdegen mıllıard dollarlar ma eken deımin men ózimshe...

Erdoǵan qytaıdy solaı qoldasa, endi orystyń raketalaryn óz jerine ornalastyra bastaǵany – onyń túrik halyqtaryn emes, ana dini de, tili de jat halyqtardyń yqpalyndaǵy bireý ekenin ashyq kórsetip otyr.

Naǵyz patrıot, týǵan ulty úshin, jeri men eli úshin jan berýge ázir Túrkııa túrikteri(bul arada qazaq túrikteri týraly aıtýdyń ózi uıat sıqty) bul qorlyqqa qashanǵy tózer deısiń?..

Sonymen, Erdoǵan – "qytaıshyl ma", "orysshyl ma?" -  áıteýir onyń taza túrikshil emesi aıdaı aqıqat!

Sonda ol kim?

Avtor: Jumash Kókbóri

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir