Italııada ótken Ýnıversıadada Qazaqstan quramasy jeti medal ıelendi

Italııanyń Neapol qalasynda Halyqaralyq Ýnıversıada-2019 jarysynyń jabylý saltanaty bolady. Qazaqstan quramasy jalpy esepte jeti medalmen 25-shi oryndy qanaǵat tutty dep habarlaıdy Qamshy.kz aqparat agenttigi Tengrinews saıtyna silteme jasap.

Ýnıversıadada 94 sportshy Qazaqstan quramasynyń namysyn qorǵady. Jalǵyz "altyndy" dzıýdoshy Ǵalymjan Qyryqbaı ıelendi. Ol absolıýt salmaq dárejesinde qarsylas shaq keltirmedi. 

Qazaqstandyqtar bes ret tuǵyrdyń ekinshi satysyna shyqty. Gımnast Narıman Qurbanov pen Mılad Karımı, jeńil atlet Mıhaıl Lıtvın, taekvondoshy Smaıyl Dúısebaı (87 kelige deıingi salmaqta) jáne Zoıa Kravchenko (stendtik atý). Sársenkúl Rysbekova (stendtik atý) qola medal ıelendi.  Birinshi orynda - Japonııa quramasy (33 altyn, 24 kúmis jáne 28 qola medal). Ekinshi orynda Reseı - 22, 24, 36. Úshinshi orynda Qytaı - 22, 13, 8.

Aıta keteıik, osyǵan deıingi ótken Ýnıversıadada (Taıbeı-2017) qazaqstandyq sportshylar úsh altyn, alty kúmis jáne jeti qola jeńgen bolatyn. 2015 jyly Kvandjýda ótken jarysta alty altyn alyp, qazaqstandyq sportshylar eń úzdik nátıje kórsetken edi.