Eldos Smetov Býdapeshtegi Gran-prı týrnırinde altynǵa ıe boldy

Qazaqstandyq Eldos Smetov Býdapeshte dzıýdodan ótip jatqan Gran-prı týrnıriniń jeńimpazy atandy dep habarlaıdy Qamshy.kz aqparat agenttigi ktk.kz saıtyna silteme jasap.

Jarystyń alǵashqy kúni qazaqstandyq dzıýdoshylar Eldos Smetov (-60 kg) pen Eldos Jumaqanov (-66 kg) fınalǵa deıin qarsylas shaq keltirgen joq. Rıo Olımpıadasynyń kúmis júldegeri E.Smetov jartylaı fınalda Nıderlandy eliniń Tornıke Sjakadoeany utty. Al E.Jumaqanov ıspanııalyq Gaıtero Martın Albertony ýaqytynan buryn, taza jeńdi.

Fınalda Eldos Smetov pen mońǵolııalyq Ganbat Boldbaatar kezdesken bolatyn. Tartysty jekpe-jekte Eldos aıqyn basymdyqpen jeńiske jetti.  Al, Ǵusman Qyrǵyzbaev jubanysh beldesýinde jeńilis tapty. 

Atalmysh dodaǵa álemniń 82 elinen 550-ge jýyq dzıýdoshy qatysýda. Qazaqstannan 16 sportshy barsa, sonyń 12-si - erler. Áıelder arasynda qazaqstandyqtar Anna Kazıýlına (-52 kg) men Sevara Nıshanbaeva (-57 kg) jarys jolynan erte shyǵyp qaldy.