• USD 378.65
  • EUR 430.07
  • RUB 6
  • CNY 55.1
24 Tamyz, 06:58:12
Qoryqshylardyń materıaldyq-tehnıkalyq bazasy kúsheıtiledi

12 Shilde, 2019 Aıtty-eı, baýyryń!

Toqaevqa Almas Axmetbekulynan ashyq hat: "Alysta qalǵan aǵaıyn azat Otanyna oralsa..."

Ashyq hat

Qurmetti Qasym-Jomart Kemeluly!

Elimizdiń xalyq saılaǵan basshysy Sizdiń qyzmetińizge tabys tileımiz. Árbir uqypty qadamyńyz ultymyzdyń ıgiligi bolǵaı!
 
Sizdi xalyqaralyq deńgeıdegi ulttyq jáne demokrat tulǵa dep tanımyz.
   
Saılaýdan sońǵy alǵashqy sheshimderińizdiń biri "Ulttyq keńes qurý", sol arqyly saıası ózgeris, parlamenttik reforma jáne BAQ týraly zańdy qaıta qaraýdy - osy úsh máseleni ult, memleket múddesine laıyqtaýdy qolǵa alý bolǵany málim. 
    
Bizdiń oıymyzsha osy sanatta Tórtinshi, álde, mańyzdylyǵy boıynsha Birinshi orynǵa qoıylatyn másele ult tutastyǵy, alysta qalǵan aǵaıynnyń azat Otanyna oralýy - qazaqtyń xalyq retinde tutastaný muraty. Zań tilimen aıtqanda "ORALMAN MÁSELESI". 
    
Bul ulttyq keńestiń basty jumysy – ulttyń basty maqsaty bolýy kerek.
"Qazaqtyń máńgilik memlekettiligine oǵan óziniń jáne urpaǵynyń ǵumyrymen múddeli xalyq ol — Qazaq ulty. Onyń toptasa túsýi men tutasýy – ulttyq qáýipsizdiktiń negizgi sharty". 
   
Bul 1997 jyly "Halyqtyń kóshi-qony zańyn" qabyldaýshy parlamenttik jumys tobynda bolǵandaǵy ustanymymyz. Bul ulttyń kún tártibinde máńgi turatyn baǵdarlama.
    

    Qurmetti, Qasym - Jomart Kemeluly!  
      
1997- jylǵy sol zań qabyldanarda Siz aıyryqsha qoldaý bildirdińiz; 
    
1999 jyldyń basynda "Qytaıdaǵy qazaqtar úshin bolsa da, Kóshi-qon Agenttigi taramaýy kerek" dep málimdeme jasaǵan jalǵyz tulǵa - jalǵyz qazaq Ciz (sóıtip agenttik jumysy qaıta sátti jalǵasty);
    
2004 jyly 4 sáýirdegi Sizdiń buıryǵyńyz boıynsha barlyq Otanyna oralýshy qazaqtar vızalyq alymdardan bosatyldy. 
     
Aıtaıyn degenimiz - ulttyq keńestiń jumys baǵdarlamasyna osy tórtinshi másele kirýine jáne joǵary sapada sheshimin tabýyna ádetińizshe qoldaý bildirseńiz eken.
    
      
Qurmetpen, 
Almas Axmetbekuly Saqbaev aqyn, mádenıet qaıratkeri. Alǵashqy (1997) "Halyqtyń kóshi-qony zańyn" qabyldaýshy parlamenttik jumys tobynyń múshesi.
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir