• USD 378.65
  • EUR 430.07
  • RUB 6
  • CNY 55.1
22 Tamyz, 07:10:04
Senim údesinen shyqqan bank

28 Maýsym, 2019

«Jasyl ekonomıka». Jańadan 500 myń jumys orny qurylady

«Jasyl ekonomıkany» damytý – eshqashan da bul másele qalys qalǵan emes

«Jasyl ekonomıkany» damytý – qashan da memlekettiń nazarynda. Eshqashan da bul másele qalys qalǵan emes. Osyǵan oraı Qazaqstan memleketi «jasyl ekonomıka» salasyn órkendetýdi qolǵa alyp keledi. Muny Elbasy únemi jıi aıtady. Bul durys ta. О́ıtkeni túbinde jer qoınaýyndaǵy munaı men kógildir otynnyń jáne basqa da paıdaly qazbalar bitedi. Sonda bári, barlyq el «jasyl ekonomıkaǵa» kóshedi. Bul kúnnen, jelden, sýdan qýat kózderin óndirý degen sóz. Bul ekonomıkalyq jaǵynan – únemdi, ekologııalyq turǵydan – taza. Sondyqtan álem bet bura bastaǵan «jasyl ekonomıkaǵa» Qazaqstan da bet bura bastady.

Qazaqstan Brazılııada ótken BUU-nyń Rıo +20 konferensııasynda «Jasyl kópir» seriktestik baǵdarlamasyn usyndy. Muny el-jurt, ǵalam bolyp talqylady. Qazaqstan usynǵan baǵdarlama ǵalamnyń kókeıkesti máselesine aınaldy. Elbasy Nazarbaev Fınlıandıdaǵy barǵan saparynda ja bul máseleni tiline tıek etti. Respýblıkamyzda easyl ekonomıkaǵa» kóshýge qatysty qarqyndy jumys júrgizilip jatqanynan habardar etti. Fınlıandııany jasyl ekonomıka jóninen kóshbasshy el retinde tanıtynyn aıtty.

Sheteldik issaparlarda ǵana emes, Elbasy Nursultan Nazarbaev elimizdegi jıynda, úkimettiń keńeıtilgen májilisinde de bul máseleni nazardan tys qaldyrǵan emes. Tipti Prezıdent janynan qurylǵan sheteldik ınvestorlardyń keńesinde de balamaly energııa kózderin damytý, órkendetý jáne oǵan qoldaý kórsetý jóninde tapsyrma berdi.

Jalpy joba qolǵa alynsa, jumys jandanady. Sheteldik ınvestorlardyń keńesinde Elbasy Nazarbaev 2020 jylǵa deıin elimizde balamaly qýat kózderimen aınalysatyn 50 -den asa kompanııa jumys isteıtinin málim etti. Alla qalasa, aldaǵy ýaqytta mundaı kásiporyndardyń sany arta túsedi. Jalpy mundaı balamaly kózdermen aınalysatyn kompanııalar Qazaqstanǵa ne beredi?

• Jańadan jumys oryndary ashylady.

• Ekologııalyq jaǵynan taza ónim alýǵa nemese arzan qýat kózderin alýǵa qadam basamyz.

• «Jasyl ekonomıka» qorshaǵan ortany lastamaıdy.

• О́ndiristiń jańa salasy órkendeıdi.

• Jumyssyzdardyń sany azaıady.

Rasynda álem «jasyl ekonomıkaǵa» kóship jatqan tusta bizdiń de basqa energııa kózderin izdegenimiz durys. Osyǵan baılanysty Elbasy Nursultan Nazarbaev 2050 jylǵa deıin elimizdegi balamaly energııa kózderin 50 paıyzǵa jetkizý týraly mindet etip qoıdy.

–Biz orasan zor munaı, gaz ben ýran qoryna ıemiz. Bul baılyq shamamen 32 mıllıard tonnaǵa baǵalanyp otyr. Bul –álemdik qordyń 4 paıyzy. Sondyqtan da biz táýelsizdiktiń alǵashqy jyldarynan bastap, ınvestısııany osy salaǵa saldyq. Qazir onyń ıgiligin kórip te jatyrmyz. Endigi jerde «jasyl ekonomıkany» órkendetýge kóshýimiz kerek, –dedi Elbasy óz sózinde.

Ras, Nazarbaevtyń «Jasyl kópir» baǵdarlamasy 2012 jyly BUU-nyń dúnıejúzilik sammıtinde maquldanyp, bekitildi. 2013 jyldan bastap qazaq memleketi «jasyl ekonomıkaǵa» kóshý jóninde tujyrymdama qabyldandy. Onyń bereri kóp. Eger aıtylǵan máseleler naqty oryndalatyn bolsa, «jasyl ekonomıka» 2050 jylǵa qaraı Qazaqstannyń jalpy ishki ónimin 3 paıyzǵa arttyrýǵa múmkindik beredi. О́mir súrý sapasy jaqsarady. Úkimettiń baspasóz qyzmetiniń málimetine sensek, jańadan 500 myń jumys oryndary qurylady. Bul óz kezeginde el turǵyndarynyń ómir súrý sapasyn jaqsartyp, jumyssyzdyqty joıady degen úmit bar. Sondyqtan Qazaqstanda qazirgi ýaqytta jáne bolashaqta balamaly energııa kózderin damytý basty maqsatqa aınalyp otyr. О́ıtkeni órkenıet shyǵyny az, ekologııalyq jaǵynan paıdasy kóp óndiristi damytýǵa umtylyp otyr. Bul durys ári qoldaıtyn kerekti joba.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir