• USD 378.65
  • EUR 430.07
  • RUB 6
  • CNY 55.1
22 Tamyz, 06:59:21
Senim údesinen shyqqan bank

12 Shilde, 2019 NEWS

Baýyrjan Baıbek: Aıtyskerler nege bılikti synaıdy?

Onyń pikirinshe, qazir aıtystyń deńgeıi tómen. Upaı jınaýǵa tyrysatyndar kóp. 

Aıtyskerler nege bılikti synaıdy? Sebebi olarmen durys jumys júrgizilmegen. О́ńirlerdi aralap júrgen «Nur Otan» partııasy tóraǵasynyń birinshi orynbasary Baýyrjan Baıbek osylaı dedi dep habarlaıdy Qamshy.kz aqparat agenttigi Eýrazııa birinshi arnasyna silteme jasap. 

Onyń pikirinshe, qazir aıtystyń deńgeıi tómen. Upaı jınaýǵa tyrysatyndar kóp. 

Buryn ózi basqarǵan «Nur Otanǵa» qaıtyp kelgen Baýyrjan Baıbek jumysqa bilek sybana kiristi. Aldymen partııanyń hatshysy Tamara Dúısenovany aýystyrdy. Baspasóz qyzmetinde de kadrlyq ózgeris boldy. 14 oblys pen 3 megapolıstiń arasynan birinshi Batys Qazaqstan oblysyna bardy. О́ńirdegi partııanyń jumysy nasharlap ketken. Halyqty tolǵandyrǵan másele kóp. Nurotandyqtar onyń bárine nemquraıly qaraıdy eken. 

"Fraksııanyń jumysy kóńilden shyqpaıdy. О́zekti máselelerdi qarastyrmaıdy. Qarapaıym suraqtardan bastaý kerek. Máslıhattaǵy depýtattardyń basym kóbi Nur Otan partııasynyń músheleri. Olar bıýdjetti, baǵdarlamalardyń oryndalýyn qadaǵalap otyrýy qajet. Ákimder durys jumys istemese ony da bir jaǵyna shyǵarýǵa bolady", -dedi  "Nur Otan" partııasy tóraǵasynyń birinshi orynbasary Baýyrjan Baıbek. 

Jergilikti atqarýshy bıliktiń jumysyn qadaǵalaýdy kúsheıtemiz deıdi. Sondaı-aq, «Nur Otan» ulttyq óner, aıtysty da qolǵa almaq. Sebebi, rýhanııat salasy da ýystan shyǵyp, aqyndar bet-betimen ketken. 

"Eń birinshi qolǵa alǵan isińizdiń biri ulttyq óner, onyń ishinde aıtysty qoldaý boldy. Biraq syrt kúshter osynyózine qoldanyp ketip jatqanynda kórip júrmiz. Aldaǵy aıtys týraly josparyńyzdy bilgim keledi" - dep suraq qoıdy Muhtar Nııazov. 

"Kezinde aıtyskerler úlken sahnadan Nur Otan týraly aıtyp, halyqqa ony jaqyn kórsetken bolatyn. Sońǵy saılaýda ózderińiz bilesizder, keıbir aıtyskerler bılikke qarsy shyqty. Nege, olarmen naqty jumys júrgizilmegen. Qazirgi kezde keıbir aıtyskerlerdiń deńgeıi tómen. Jalpy áńgimeni aıtady, halyqqa unaý úshin. Upaı jınaý úshin", - dedi Baýyrjan Baıbek. 

Baýyrjan Baıbektiń sózinshe, endi «Nur Otan» burynǵydaı múlgip otyrmaıdy. Áleýmettik jelide belsendilikti arttyryp, el-jurttyń kez-kelgen máselesine reaksııa tanytyp, ýaqyt talabymen birge ózgeremiz deıdi. 

Ilmek sózder: Býyrjan Baıbek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir