• USD 468.56

  • EUR 497.56

  • RUB 7.3

  • CNY 67.18

28 Naýryz, 23:07:36
Almaty
+35°

11 Shilde, 2019 NEWS

"Bir aıda 150 myń teńge tabýǵa bolady": Saparbaev Arys turǵyndaryn eńbek etýge shaqyrdy

Kezdesý barysynda Arys turǵyndaryn jumysqa ornalastyrýdy qamtamasyz etý máseleleri talqylandy.

QR Eńbek jáne halyqty áleýmettik qorǵaý mınıstri Berdibek Saparbaev pen QR Qorǵanys mınıstri Nurlan Ermekbaev Túrkistan oblysy Arys qalasynyń ardagerler keńesi múshelerimen kezdesti dep habarlaıdy Qamshy.kz aqparat agenttigi Mınıstrliktiń saıtyna silteme jasap.

Ardagerlermen kezdesý barysynda birqatar ózekti máseleler, sonyń ishinde Arys turǵyndaryn jumysqa ornalastyrýdy qamtamasyz etý máseleleri talqylandy.

"Eńbek mınıstrligi men Túrkistan oblysynyń ákimdigi qala turǵyndarynyń jumysqa ornalasýyna jáne jeke kásibin ashýǵa kómek kórsetedi. Eshkim jumyssyz qalmaıdy. Bul másele erekshe baqylaýǵa alynǵan", - dep atap kórsetti Saparbaev.

Sonymen qatar, ol qalany qalpyna keltirý, turǵyn úı, áleýmettik jáne ınfraqurylymdyq nysandardy jóndeý jumystaryna Arys turǵyndaryn ózderin de belsendi qatysýǵa shaqyrdy.

"Bul jumys úshin eńbekaqy tólenedi, bir aıda orta eseppen 150 myń teńge tabýǵa bolady. Dıvanda jatyp alyp jaqsy nátıjelerge qol jetkizý múmkin emes ekendigin jerlesterge jetkizýlerińizdi suraımyn. Memleket berip otyrǵan múmkindikterdi barynsha paıdalanýymyz kerek", - dedi Saparbaev.

Sonymen qatar, vedomstvo basshysy Arys turǵyndaryn arandatýshylyqqa ermeýge shaqyrdy.

"Keıbir jerlester jekelegen adamdardyń jalǵan aqparaty men arandatýyna erip ketti. Kúlli Qazaqstandyqtar Arys turǵyndaryna qol ushyn sozǵan sátte, olardyń keıbireýleri ózderiniń talaptaryn aldyǵa tartty. Arandatýshylardyń arbaýyna túspeýimiz kerek!", - dedi Saparbaev.

Mınıstr Elbasy men Prezıdenttiń tapsyrmasy boıynsha Arys qalasynyń turǵyn úı, áleýmettik jáne ınfraqurylymdyq nysandaryn qalpyna keltirý jumystarynyń jalǵasyp jatqanyn atap ótti. Qalpyna keltirý jumystaryna Qazaqstannyń barlyq óńirleri, ulttyq kompanııalar men bıznes-qurylymdary belsene atsalysýda.

Issapar barysynda Berdibek Saparbaev Túrkistan oblysynyń birqatar aýdandaryn aralady, sondaı-aq áleýmettik mekemeler men jumyspen qamtý ortalyqtarynyń jumys barysymen tanysyp, «Belsendi uzaq ómir súrý ortalyǵy» men Shymkent qalasynyń Jumyspen qamtý ortalyǵyna bardy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir