• USD 468.56

  • EUR 497.56

  • RUB 7.3

  • CNY 67.18

28 Naýryz, 22:28:53
Almaty
+35°

11 Shilde, 2019 NEWS

Asqar Mamın Arys qalasyndaǵy qalpyna keltirý jumystarynyń barysyn tekserdi

Nysandardy aralaý qorytyndysy boıynsha QR Premer-Mınıstri Asqar Mamınniń tóraǵalyǵymen Arys qalasyn qalpyna keltirý máseleleri jóninde keńes ótti. 

QR Premer-Mınıstri Asqar Mamın Arys qalasyndaǵy zardap shekken úılerdi, áleýmettik nysandar men ınjenerlik jelilerdi qalpyna keltirý jumystarynyń barysymen tanysý maqsatynda  jumys saparymen Túrkistan oblysyna bardy dep habarlaıdy Qamshy.kz aqparat agenttigi QR Premer-Mınıstriniń baspasóz qyzmetine silteme jasap.

QR Úkimetiniń basshysy óńirlik shtabtar jumysyn tekserip, «Kóktem-1», «Kóktem-2» yqsham aýdandaryndaǵy turǵyn úılerdiń, mektep, balabaqsha, temir jol vokzaly ǵımarattarynyń, qalalyq aýrýhananyń qalpyna keltirilý qarqynyn kórdi. QR Premer-Mınıstri sonymen qatar Halyqqa qyzmet kórsetý ortalyǵyna bardy. Túrkistan oblysynyń shtabynda Asqar Mamınge Arys qalasynyń turǵyndaryna 100 myń teńgeden ótemaqy tóleý boıynsha júrgizilip jatqan jumystar týraly baıandaldy. 

Mamın Arysta

Nysandardy aralaý qorytyndysy boıynsha QR Premer-Mınıstri Asqar Mamınniń tóraǵalyǵymen Arys qalasyn qalpyna keltirý máseleleri jóninde keńes ótti. 

Túrkistan oblysynyń ákimi О́. Shókeev qala turǵyndaryna áleýmettik kómek kórsetý aıasynda 650 az qamtylǵan jáne kóp balaly otbasylarǵa ataýly áleýmettik kómek taǵaıyndalyp, tólem júrgizilgenin habarlady. 

Qorǵanys, eńbek jáne halyqty áleýmettik qorǵaý, densaýlyq saqtaý, ındýstrııa jáne ınfraqurylymdyq damý, ishki ister, sıfrlyq damý, ınnovasııalar jáne aeroǵarysh ónerkásibi mınıstrlikteriniń basshylary áleýmettik qoldaý sharalary, medısınalyq qyzmetter kórsetý, turǵyn úılerdi qalpyna keltirý boıynsha júrgizilip jatqan jumystar týraly baıandady. 

Mamın Arysta

О́z kezeginde Almaty oblysynyń ákimi A. Batalov, Aqmola oblysynyń ákimi E. Marjyqpaev, Aqtóbe oblysynyń ákimi  O. Orazalın, Atyraý oblysynyń ákimi N. Noǵaev, Shyǵys Qazaqstan oblysynyń ákimi D. Ahmetov, Shymkent qalasynyń ákimi Ǵ. Ábdirahymov bólingen sektorlardaǵy qurylys jumystarynyń qarqyny týraly aqparattandyrdy.

Búginde 676 turǵyn úıge jóndeý jumystary aıaqtalǵan. Qazirgi kezde barlyq sektorlar jumystarmen qamylǵan, 3 040 jeke turǵyn úı qurylysy men kópqabatty turǵyn úıler nysandarynda qalpyna keltirý jumystary júrgizilýde, 190 qurylys kompanııasy, 5 myńǵa jýyq qurylysshylar men 207 arnaıy tehnıka jumyldyrylǵan. Áleýmettik ınfraqurylym boıynsha  jumystar 66 densaýlyq saqtaý, bilim berý, sport nysandarynda júrgizilip jatyr. 

Keńesti qorytyndylaǵan QR Premer-Mınıstri Asqar Mamın qalany qalpyna keltirý jumystaryna elimizdiń barlyq óńirleri, ulttyq kompanııalar, iri bıznes ókilderi belsendi qatysyp jatqanyn aıtty. 

«Arys qalasyn qalpyna keltirý boıynsha barlyq negizgi  jumystar 1 tamyzǵa deıin aıaqtalýy tıis», - dedi Asqar Mamın. 

QR Úkimetiniń basshysy zardap shekken bıznes nysandaryn, kólik jáne ınjenerlik ınfraqurylymdy ýaqytyly qalpyna keltirý jumystaryn kúsheıtýdi, medısınalyq qamtamasyz etý boıynsha keshendi sharalar qabyldaýdy jáne bilim berý nysandaryn jańa oqý jylynyń bastalýyna daıyndaýdy tapsyrdy. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir