• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 04:08:31
Qazaqstan Ýkraınanyń saýda naryǵyna alańdaýly

10 Shilde, 2019 NEWS

Qazaqstanda 2020 jyldan bastap medısınalyq kómek eki túrli paket boıynsha kórsetiletin bolady

Bul týraly búgin О́ńirlik kommýnıkasııalar qyzmeti alańynda ótken brıfıng barysynda memlekettik áleýmettik-medısınalyq saqtandyrý (MÁMS) qorynyń Mańǵystaý oblysy boıynsha fılıalynyń basshysy Baqyt Ismahanbetov aıtty.

-Birinshisi – kepildendirilgen tegin medısınalyq kómek paketi.

Kepildendirilgen tegin kómek (TMKKK) paketi eń mınımaldy standarttardan turady.

Oǵan mynadaı qyzmetter kiredi: dárigerlik kómekti qajet etetin shuǵyl jaǵdaılarda kómek kórsetý, jedel járdem, sanıtarlyq avıasııa, birqatar sozylmaly aýrýlardy dınamıkalyq baqylaý, shuǵyl jaǵdaıda stasıonarda emdeý osy paket sheńberinde júzege asyrylady. Muny barlyq azamattar, saqtandyrylǵan-saqtandyrylǵanyna qaramaı paıdalana alady.

Memleket tarapynan kepildik berilgen kómek boıynsha barlyq azamattar: emhanaǵa qaralyp, stasıonarda jatyp emdele alady; áleýmettik mańyzy bar aýrýlar osy paket negizinde tegin emdeledi.

Medısınalyq ońaltý qyzmetin tek týberkýlezge shaldyqqandarǵa ǵana paıdalana alady. Zárý azamattarǵa tegisteı pallıatıvtik kómek kórsetiledi. Negizgi juqpaly emes aýrýlar men qorshaǵan ortaǵa qaýip tóndiretin juqpaly aýrýlar da osy tártip boıynsha emdeledi.

TMKKK paketi azamattardyń bárine, bıýdjet esebinen tegin kórsetiledi. Sondyqtan da bul kepildendirilgen standart bolyp sanalady.

Kómektiń ekinshi deńgeıi – mindetti áleýmettik medısınalyq saqtandyrý (MÁMS) paketi. Baǵasy qymbat bolyp keletin operasııalar, sırek medısınalyq qyzmet túrleri, salalyq mamandardyń qabyldaýy syndy t.b. qyzmetter kiretin MÁMS paketin saqtandyrylǵandar paıdalana alady.

MÁMS paketine tabysy ortasha azamattardyń qaltasy kótere bermeıtin: MRT, kompıýterlik tomografııa, PSR-analız syndy qyzmetter de engizildi. Sondaı-aq, kepildendirilgen tegin kómek paketine enbegen syrqattarǵa shaldyqqan jaǵdaıda stasıonardy almastyratyn kómek pen josparly stasıonarlyq kómek te MÁMS paketi sheńberinde kórsetiledi,-dep túsindirdi Baqyt Torǵaıbaıuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir