Mańǵystaý dárigerleriniń eńbekaqysy 230 myń teńgege jetti

Mańǵystaý oblysy densaýlyq saqtaý basqarmasynyń bas esepshisi  Tatıeva Almagúldiń aıtýynsha, «Nur Otan» partııasynyń kezekti sezinde bergen Elbasy tapsyrmasyna oraı, QR Prezıdenti Q.Toqaevtyń Jarlyǵymen 1 maýsymnan bastap, medısına qyzmetkerleriniń aı saıynǵy tabysy 15-ten 30 prosentke deıin ósti.

Kóbeıgen eńbekaqy aımaqtaǵy 1600-ge jýyq dáriger men 4 myńnan astam medbıkege berildi. Máselen, oqý ornyn jańa bitirgen jas maman 80 myń teńge, al, tájirıbeli dárigerler 200 myń teńgeden asa aılyq ala bastady.

№1 Aqtaý qalalyq emhanasynyń dárigeri Dına Omarova osyǵan deıin 75 myń teńge aılyq alatyn bolsa, endi maýsym aıynan bastap onyń jalaqysy 110 myń teńge boldy.