Asqar Mamın: Barlyq qoldaý sharalaryn kórsetý kerek

QR Premer-Mınıstri Asqar Mamınniń tóraǵalyǵymen Investısııalar tartý jónindegi úılestirý keńesiniń otyrysy ótti dep jazady Qamshy.kz aqparat agenttigi Premer-Mınıstrdiń resmı saıtyna silteme jasap.

Otyrysta negizgi kapıtalǵa ınvestısııalar aǵymyn QR JIО́-ine shaqqanda 30%-ǵa deıin arttyrý boıynsha ınstıtýsıonaldyq jáne zańnamalyq sharalar talqylandy. Ulttyq ekonomıka mınıstrliginiń ınvestısııalar tartý, ekonomıka ósimin qoldaý úshin 2025 jylǵa deıin negizgi kapıtalǵa sheteldik ınvestısııalar men salymdardyń qajetti kólemine taldaý boıynsha júıeli tásilderi qarastyryldy.

Jyl saıynǵy jalpy tikeleı sheteldik ınvestısııalar aǵymyn 2018 jylǵy $24 mlrd-tan 2025 jylǵa qaraı $34 mlrd-qa deıin arttyrý boıynsha mindet qoıyldy. 

MJÁ kólik jáne logıstıka, energetıka, týrızm, TKSh ınfraqurylymyn jańǵyrtý, densaýlyq saqtaý, bilim berý t.b. salalarǵa ınvestısııalar tartýdyń tıimdi quralyna aınalýy tıis. 

Ekonomıkany ártaraptandyrýdyń mańyzdy draıveri jumys istep turǵan kásiporyndardyń vertıkaldi kirigýin qamtamasyz etetin jobalarǵa ınvestısııalardyń shoǵyrlanýy bolady. 

Salalar boıynsha ınvestısııalar tartý kórsetkishterine qol jetkizý de elimizdiń eksporttyq bazasynyń tehnologııalyq kúrdelililign arttyrýdy qamtamasyz etedi. 

Ortalyq jáne jergilikti atqarýshy organdar úshin JIО́-ge ınvestısııalardyń maqsatty ara qatynasyna qol jetkizý úshin ınvestısııalardy tartý boıynsha tıimdiliktiń negizgi kórsetkishteri ázirlenedi. 

Otyrystyń kún tártibinde sonymen qatar kóterme saýda-taratý ortalyqtary jelisin damytý máselesi qaraldy. Qazaqstanda logıstıkalyq qýattylyqty arttyrý maqsatynda 2020-2023 jyldary Nur-Sultan, Almaty, Shymkent, Aqtóbe, Semeı, Kókshetaý, Atyraý jáne Aqtaý qalalarynda 8 óńirlik taratý ortalyǵynan turatyn jelini qurý josparlanǵan. Bul tetik fermerlerden ónimderdi erte satyp alyp, qajetti qor jasap, odan keıin ónimderdi maýsymaralyq kezeńde - jeltoqsan aıynan sáýir aıyna deıin saýda jelilerinde arzandatylǵan baǵamen satýǵa baǵyttalǵan. 

Jobany iske asyrý nátıjesinde baǵalardyń turaqtylyǵy qamtamasyz etilip, áleýmettik mańyzy bar azyq-túlik taýarlaryna maýsymdyq alypsatarlyq ústeme baǵa boldyrylmaıdy. Jobany iske asyrýda salynǵan bir teńgeden jıyntyq áleýmettik-ekonomıkalyq tıimdilik 30 teńgeden asady. 

Úılestirý keńesi otyrysynyń qorytyndysy boıynsha Qazaqstan Respýblıkasyna ınvestısııalardy odan ári tartý jónindegi Jol kartasy qabyldandy.

"Ekonomıkanyń damýy ınvestısııalardy tartýmen tikeleı baılanysty. Jańa taýashalar izdep, ınvestısııalar tartý tetikterin quryp, barlyq qoldaý sharalaryn kórsetý kerek. Basty mindet - ekonomıkaǵa ınvestısııalar kólemin 2 ese arttyrý", — dedi Asqar Mamın.

QR Úkimetiniń basshysy ortalyq memlekettik organdarǵa, óńirler ákimderine, holdıngterge ulttyq jáne sheteldik ınvestorlarmen, sondaı-aq halyqaralyq qarjy uıymdarymen el ekonomıkasyna ınvestısııalar tartý jáne jańa aýqymdy jolbalardy tabý boıynsha jumystardy jandandyrýdy tapsyrdy.