100 naqty qadam: Memlekettik qyzmetke baratyn jas maman neni bilýi kerek?

Elbasy «100 naqty qadam Ult josparynda» memlekettik qyzmet pen memlekettik qyzmetkerdiń aldaǵy ýaqytta mártebesi joǵarylaı túsetinin atap kórsetken. Ol úshin ne isteý kerek? 100 qadamda atap kórsetilgen Elbasy tapsyrmasy oryndalýy qajet. Árıne, joǵary oqý ornyn bitirgen kez kelgen maman memlekettik qyzmetke bara almaıdy. Ol – mártebeli oryn. Biraq bilikti maman qashan da tasada qalmaýy kerek. Qazir memlekettik kadr daıyndaýdyń A jáne B korpýsy bar. Demek, bul – durys talap. Qyzmetke barǵysy keletinder arnaıy testten ótedi. Demek, olar memlekettik qyzmetke asa daıyndyqpen daıyndalyp barady. Naqty aıtqanda, 100 naqty qadamda memlekettik qyzmet máselesi ashyq kórsetilgen. Onyń mańyzy da zor. О́ıtkeni qyzmet kez kelgen adamǵa úlken jaýapkershilik júkteıdi. Mysaly, Elbasynyń 100 naqty qadam strategııalyq baǵdarlamasy jarııalanǵannan keıin atqarýshy bılikte jaqsy úrdis paıda boldy. Qazir sonaý 1990 jyldardyń ortasyndaǵydaı emes, talap – qatal. Bıliktiń tómengi satysynda jumys istemeı qazir eshkim birden joǵary kresloǵa bara almaıdy. Sondaı-aq qazirgi Qazaqstan bıliginde daǵdyǵa aınalǵan taǵy bir durys ádisti nemese tájirıbeni  aıta ketken jón. Ol – Prezıdent ákimshiliginde nemese apparatynda qyzmet istegen azamattardy aımaqqa jiberý ádisi. Qazir Prezıdent ákimshiliginde jumys istep, óz kásibı deńgeıin aımaqta jalǵastyryp jatqan atqaminer azamattar óte kóp. Ákim nemese ákimniń orynbasary departamenttiń basshysy bolyp júrgender qanshama? Munyń barlyǵy Elbasynyń 100 naqty qadamynyń nátıjesi. Jalpy memlekettik qyzmetkerdiń kabınette baılanyp otyra berýi toqyraýǵa ákeledi nemese eshqandaı nátıje bermeıdi. Qulaǵynan telefony túspeı, tapsyrma berip otyrý da jańashyldyq emes. Sondyqtan memlekettik qyzmetker máseleni sheshý úshin halyqtyń ortasynda jáne problemalardyń arasynda júrýi qajet. Taǵy bir nárse, memlekettik bılikte otyrǵandardyń jalaqysy onyń kabınette saǵattap otyrǵanymen emes, nátıjeli jumys isteýimen baǵalanýy tıis. 100 naqty qadamda «Memlekettik qyz­met­kerlerdiń jalaqy­syn qyzmetiniń nátı­jesine baılanysty ósirý» degen bar. Bul óte qajetti nárse. Jumysynyń nátıjesine baılanysty jalaqysy jaqsy tólengen sheneýniktiń jumys isteýge degen múmkindigi artady jáne qabileti oıanady. О́ıtkeni bul Ult jospary ekendigi aqıqat.

Demek budan shyǵatyn qorytyndy ne? Memlekettik qyzmetke barǵysy  keletin adam nemese jas maman eń aldymen arnaıy testten bólek Elbasynyń osy 100 naqty qadam Ult jospary baǵdarlamasyn oqyp alsa, artyqtyq etpeıdi.

Aıta ketetin bir nárse, jas mamandy memlekettik qyzmetke alar kezde olar irikteý kezeńinen ótedi. Bul – óte durys tájirıbe jáne atalǵan strategııalyq qujattyń úshinshi qadamynda atap kórsetilgen. Al tórtinshi qadamda memlekettik qyzmetke nıet etkender úshin úsh satyly irikteý júıesi bar. Birinshisinde arnaıy  testten ótse, ekinshi synaq merziminde adamnyń jeke qasıetteri baǵalanady, al úshinshi synaq ýaqyty áńgimelesýden turady. Sońǵy irikteýden ótken soń jas mamandarǵa tálimgerler bekitilip,  olarǵa úsh nemese alty aı ýaqyt beriledi.

Árıne, bul eń aldymen sybaılas jemqorlyq pen tamyr-tanystyqtyń aldyn alýǵa úlken septigin tıgizedi. Bul–zaman talaby. Muny memlekettik qyzmetke barǵysy kelgen kez kelgen adam bilýi tıis. О́rkenıet damyǵan saıyn memlekettik qyzmetke degen jaýapkershilik arta túsedi.

Negizi otanshyl, memleketshil jáne boıynda patrıottyq sezimi joǵary damyǵan azamat qandaı da bir tártipsizdikke barmaıdy. Jemqorlyqpen shyrmalmaıdy. Sonda ǵana memlekettiń irgesi bekıdi. Qoǵam alǵa jyljıdy.

Qoryta aıtqanda, 100 naqty qadam kásibı memlekettik apparat qurýda jastar úshin úlken mektep, taǵlymdy tájirıbe ekenin aıta ketken jón. Sondyqtan «memlekettik qyzmetker bolamyn» degen azamat aıtylyp otyrǵan talaptardy eńserýi tıis. Talap údesinen shyqqan azamatqa 100 qadamnyń altynshy jáne jetinshi qadamynda aıtylǵandaı, eńbekaqy  jumysynyń  nátıjesine qaraı tólenedi. Bul óz kezeginde memlekettik qyzmetkerdiń jumys isteýge degen qulshynysyn arttyrady. Demek munyń barlyǵy memlekettik qyzmettegi kásibı apparat qyzmetkerleriniń sapaly jumys isteýin  qamtamasyz etedi. Qysqasha aıtqanda Elbasynyń bul baǵdarlamasy eldiń gúldenip, damyǵan 30 memlekettiń qataryna erterek enýine jasalǵan strategııalyq qadam dep bilemiz.