• USD 468.56

  • EUR 497.56

  • RUB 7.3

  • CNY 67.18

28 Naýryz, 12:09:37
Almaty
+35°

11 Shilde, 2019 Álem

"Ol naqurysty sotqa beremin": Jıynnan qýylǵan hatshy Zelenskııge shúılikti

"Qaraqshy, joǵal, bul jerden!" dep, Zelenskıı hatshysyn jıynnan qýyp shyqqan bolatyn

Ýkraına prezıdenti Vladımır Zelenskıı jıynnnan qýyp shyqqan Borıspol qalalyq keńesiniń hatshysy Iаroslav Godýnok bolǵan jaıtqa qatysty túsinikteme berdi dep habarlaıdy Qamshy.kz aqparat agenttigi RIA Novostı saıtyna silteme jasap.
 
Iаroslav Godýnok memleket basshysyn "naqurysqa" teńedi. Onyń aıtýynsha, prezıdenttiń oǵan jasaǵany baryp turǵan dórekilik. 
 
"Meni bastan aıaq qaralady! Árıne, men endi sottqa júginemin. Aıtarǵa sózim joq, shoshyp qaldym. Men ol naqurystyń isine tań qalyp otyrmyn", - dedi Godýnok.
 
Godýnoktyń oıynsha, Zelenskıı ózin prezıdentke laıyq ustamady, al ol bar bolǵany memleket basshysyna shyndyqty jetkizbek bolǵan. 
 
Sonymen qatar, Godýnok sáýir aıynda ótken prezıdenttik saılaýda óziniń Zelenskııge daýys bergenin jáne saılaýda úgit-nasıhat júrgizgenin moıyndady.
 
"Meniń balalarymmen birge "Zelenskııge daýys bereıik" degen sýretim bar. Sol úshin men tipti Radıkal partııasynan shyǵarylǵan bolatynmyn. Men Oleg Lıashkoǵa Zelenskııdi synamaı, qoldaıyq degenim úshin aıypty boldym", - dedi ol.
 
Godýnok burynǵy prezıdent Petr Poroshenkoǵa qarsy bolǵandyqtan, Zelenskııge daýys berýge májbúr bolǵanyn moıyndady.
 
"Zelenskıı bizdiń árqaısymyz prezıdentpiz dedi - onda maǵan sóz berińiz! Men árbir tıynǵa, árbir qylmysqa jaýap berýge daıynmyn. Senińiz! Alaıda, prezıdent bolǵany úshin ǵana onyń olaı isteýge quqyǵy joq. Men onyń bul qylyǵyn keshirmeımin", - dep sózin túıindedi sheneýnik. 
 
Oqı otyryńyz: 
♦ "Qaraqshy, joǵal, bul jerden!": Zelenskıı hatshysyn jınalystan qýyp shyqty (vıdeo)
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir