• USD 468.56

  • EUR 497.56

  • RUB 7.3

  • CNY 67.18

29 Naýryz, 08:55:04
Almaty
+35°

11 Shilde, 2019 NEWS

Qyzylordalyq azamatsha: Polıseıler aǵamdy uryp óltirdi (vıdeo)

Azamattyń kisi qolynan qaza tapqany nemese ózdiginen baqılyq bolǵany qazir anyqtalý ústinde.

Qyzylorda oblysynda 43 jastaǵy er adam polısııa qyzmetkerleri tutqyndaǵan kezde qaıtys boldy. Marqumnyń týystary polısııanyń óltirgenin alǵa tartsa, Polısııa departamentiniń ókilderi bul nusqany joqqa shyǵarady dep habarlaıdy Qamshy.kz aqparat agenttigi.

2019 jyldyń 10-shildesi kúni Qyzylorda oblysynyń turǵyny azamatyn polısııa qyzmetkerleri óltirgeni týraly aıtqan vıdeosy jarııalanǵan. Vıdeoda marqumnyń qaryndasy BAQ ókilderine ótinish bildirdi.

"Búgin túnde Qyzylorda qalasynyń polısııa qyzmetkerleri 1976 jyly týǵan meniń aǵam Ájimbaev Baýyrjan Shakımulyn uryp óltirdi. Men bul isti búkil el bilgenin, kináliler jazasyn alǵany durys dep sanaımyn. Osy isti baqylaýǵa alyp, mejeli jerine deıin jetkizýge kómektesińizdershi. Meniń atym – Absamatova Ajar. Sizderden ótinip suraımyn. Anamyz úshinshi balasyn, jalǵyz ulyn joǵaltyp otyr. Bul adamdar laıyqty jazasyn alýy kerek", - dedi ol.

Bul aqparatqa qatysty Qyzylorda oblystyq Polısııa departamentiniń baspasóz qyzmeti pikir bildirdi.

"2019 jyldyń 10-shildesi kúni 43 jastaǵy Qyzylorda qalasynyń turǵyny mas kúıinde kólik basqaryp kele jatqan. Al tártip saqshylary ony toqtatqan kezde qarsylyq bildirgen. Qyzmettik kólikke mingizip, bólimshege alyp kele jatqan ýaqytta ol aıaq astynan esin joǵaltady. Polısııa qyzmetkerleri jedel járdem shaqyrǵan. Biraq jedel járdem kelgenshe ol qaıtys bolypty. Sot-medısınalyq saraptama qorytyndysynda marqumǵa eshqandaı kúsh qoldanylmaǵany anyqtaldy. Qazirgi ýaqytta oqıǵa zerttelý ústinde. Jaqyn arada qorytyndy sheshimdi jarııalaımyz", - delingen oblystyq Polısııa departamentiniń baspasóz qyzmetinde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir