Tarazda prezenthanadan sábı urlandy

Polısııa qyzmetkerleri eki saǵat ishinde aýyr qylmysty anyqtady dep jazady Qamshy.kz aqparat agenttigi. Bul týraly Jambyl oblystyq Polısııa departamenti málimdedi.

8-shilde kúni Taraz qalasyndaǵy Polısııa basqarmasyna oblystyq perzenthanadan onyń jańa bosanǵan sábıin urlap ketkeni týraly shaǵymmen jas áıel kelgen.

"Jas sábıdi izdeý operasııasyn Taraz Polısııa basqarmasynyń basshysy, polısııa polkovnıgi Ardaq Madımarov basqarǵan. Jedel qımyldaǵan top qaladaǵy barlyq vıdeokameralardy qarap, materıaldardy zerttep, urynyń baǵytyn anyqtaǵan. Anyqtalǵan baǵyt boıynsha qonaq úılerdiń birine jetip, nomerlerdiń birinen sábıdi tapqan", - delingen málimdemede.

Osyndaý aýyr ári qıyn qylmysty anyqtaý úshin eki saǵat ýaqyt qajet bolypty.

"Sábı urlaý faktisi boıynsha kúdikti retinde Jambyl oblysy, Jambyl aýdany, Qarakemer aýylynyń 22 jasar turǵyny quryqtaldy. QR QK 135-baptyń 2-tarmaǵy boıynsha sotqa deıingi tergeý jumystary bastaldy. Eger kúdikti qylmysyn moıyndasa, ony 10 jylǵa deıingi bas bostandyǵynan aıyryp, múlkin tárkileıdi", - dedi polısııa basqarmasyndaǵy shendiler.