Nurlan Ermekbaev: "Kamera aldynda emes, kózbe-kóz bolǵan oqıǵa úshin keshirim suraımyn"

Nurlan Ermekbaev Nur-Sultan qalasynda ótken brıfıngte Arys halqynan keshirim suraǵanyn aıtty dep jazady Qamshy.kz aqparat agenttigi. Ol áskerı adamdar popýlızmmen emes ispen shuǵyldaný kerektigin aıtty. 

"Ashyǵyn aıtsam, arystyqtarmen kezdesýde halyqtan ózim keshirim suraǵanmyn. Japa shekkender jáne evakýasııalanǵandarmen birneshe ret kezdestim. Japa shekkenderden árqashan keshirim suraımyn. Aldaǵy ýaqytta da kamera aldynda emes, kózbe-kóz bolǵan oqıǵa úshin keshirim suraıtyn da bolamyn.  Biraq áskerı adam popýlızmmen emes, naqty ispen shuǵyldanýy kerek. Bolǵan isti túzetýmen aınalysý kerek", - deıdi Nurlan Ermekbaev.