"Reseıdiń basqa máseleleri joq pa?": Qazaqstannyń Ombydaǵy konsýly reseılik jýrnalısterge ursyp berdi

 Qazaqstan Respýblıkasynyń Omby qalasyndaǵy konsýly reseılik jýrnalıstermen kezdesip, kezek máselesi týraly pikir bildirýden bas tartty dep jazady Qamshy.kz aqparat agenttigi. Reseılik BAQ ókilderi Qazaqstan elshiliginiń qabyldaýyna kirý úshin qazaqstandyqtardyń birneshe kún kezekte turǵanyn jarysa jazǵan. 

Reseılik BAQ-tyń deregine súıensek, qazaqstandyqtar elshilikten qujat ala almaı otyr. Altaı, Kemerovsk, Chelıabınsk jáne Túmen óńirlerinde qazaqstandyqtar birneshe kún boıy kezekte tur. 

Osy máseleniń sebebin anyqtaý úshin jýrnalıster Ombydaǵy Qazaqstannyń konsýly Qonysbek Júsipbekovke habarlasqan. Alaıda sheneýnik jýrnalısterge ursyp beripti. 

"Sizderge ne kerek, men túsinbedim? Sizderdiń Reseıde basqa máseleler joq pa? Nege basqa eldiń isine aralasasyzdar? Men Reseıdiń emes, Qazaqstannyń konsýlymyn", - degen Qonysbek Júsipbekov.