Dısneıdiń "Arystan patshasy" qazaq tilinde sóıleıdi (vıdeo)

«Arystan patsha» fılmi endi qazaq tilinde sóıleıdi dep habarlaıdy Qamshy.kz aqparat agenttigi. Bul týraly Jastar teatry jazdy.

"«Disney» kompanııasynyń klassıkaǵa aınalǵan áıgili «Arystan patsha» anımasııalyq fılminiń kıno nusqasy jaqyn kúnderi kórermenge jol tartpaq. Bul týyndy afrıkalyq savannany meken etken ań-qustardyń tynysy, olardyń meıirimi men mahabbaty, satqyndyǵy men bılikke talasy syndy adamzatta kezdeser jaǵdaılardy baıandaıdy.

Mýfasa arystannyń patshalyǵynda Sımba atty izbasary, bolashaq taq ıegeri dúnıege keledi. Alaıda, aǵaıynnyń arasyndaǵy alaýyzdyqtyń saldarynan kishkentaı Sımba týǵan jerinen qýylyp, dala kezedi. Qańǵybas arystannyń túbinde barar jeri anyq edi. Sebebi, onyń boıynda patshanyń qany bar.

«Jastar teatrynyń» birqatar akterlary fılm keıipkerlerin dybystady. Olardyń qatarynda Bekbolat Qurmanǵojaev (Mýfasa), Dáýren Serǵazın (Tımon), Ádil Ahmetov (Kamarı) jáne Naýryz Sabaǵatova (Nala) bar.
.
Álemdik týyndyny qazaq tilinde dybystaý – úlken jetistik. Akterlarymyzdy alǵan taǵy bir belesterimen quttyqtaımyz!
.
18 shildeden bastap elimizdiń barlyq kınoteatrlarynan "Arystan patshany" qazaq tilinde kórińiz" delingen jazbada.