10 Shilde, 2019 Áleýmet
"Abaı-175" estafeta: Bilim mınıstri prezıdent joldaǵan estafetany jalǵastyrdy (vıdeo)
Aımaǵambetov Abaıdyń "Senbe jurtqa, tursa da qansha maqtap" óleńin oqydy
Bilim jáne ǵylym mınıstri Ashat Aımaǵambetov Qazaqstan prezıdenti Qasym-Jomart Toqaevtan estafetany qabyldap, uly Abaıdyń óleńin oqyp, vıdeo jarııalady dep habarlaıdy Qamshy.kz aqparat agenttigi
Bul týraly mınıstr feısbýktegi paraqshasynda jazdy. Bilim jáne Ǵylym mınıstri Abaıdyń "Senbe jurtqa, tursa da qansha maqtap" atty óleńin tańdaǵan.
"Abaı Qunanbaıulynyń 175 jyldyǵyna oraı uly aqynnyń óleńderinen úzindi oqý estafetasyn Qazaqstan Respýblıkasynyń prezıdenti Qasym-Jomart Kemeluly Toqaevtan zor qurmetpen qabyldap, kezekti estafetany elimizdiń bilim jáne ǵylym salasynyń qyzmetkerlerine, ustazdarǵa, joǵary oqý oryndarynyń rektorlaryna jáne stýdentter men oqýshylarǵa joldaımyn", - dedi bilim mınıstri.
Eske salsaq, 9 jastaǵy oqýshy Láılim-Shyraq Abaı óleńderinen úzindi oqyp, estafetany jalǵastyrýdy prezıdent Qasym-Jomart Toqaevqa joldaǵan edi.
Memleket basshysy estafetany qabyldap, Abaı atanyń "Ǵylym tappaı maqtanba" óleńinen úzindi oqyp, búldirshinniń estafetasyn qoldaıtynyn bildirgen bolatyn.
Toqaev Abaı óleńderin oqý estafetasyn odan ári bilim jáne ǵylym mınıstri Ashat Aımaǵambetovke, mádenıet jáne sport mınıstri Aqtoty Raıymqulovaǵa jáne ánshi Dımash Qudaıbergenge joldaǵan edi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir