• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 04:00:29
Qazaqstan Ýkraınanyń saýda naryǵyna alańdaýly

10 Shilde, 2019 Ádebıet

Almaty. Vokzal. Avtobýs.

Qazaq Ulttyq Ýnıversıtetindegi stýdentter úsh aı demalysqa ketken kezdegi ǵashyq jigittiń súıgen qyzyna arnaǵan óleń joldary

Almaty. Vokzal. Avtobýs.

QazUÝ-da bitip sabaqtar,
Barlyǵy qaıtty aýylǵa.
Sherińdi óleń al aqtar,
Júregi ǵashyq qaýymǵa.

Keshterde salqyn, saıaly,
Kezdesýshi ek jasyryn
Qaıtýdyń kúni taıady,
Saǵan da qalqam, asylym.

Júgińdi býyp, jınaqtap,
Daıyndyq qyldyń saparǵa.
Qaǵazdyń betin shımaqtap,
Hat jazdym saǵan jatarda.

Jazǵanym shyqpaı kóńilden,
Qalǵan em saǵan usynbaı.
Almaty alyp óńirden,
Ketpeksiń jyldyń qusyndaı.

Saıranǵa baryp kún buryn,
О́zim alǵanmyn bıletti.
«Bılet» degen bul qurǵyryń,
Búgin kep jandy kúıretti.

Kesh batty, ýaqyt jetti kep,
Vokzalǵa keldim júgirip.
Júregimde joq kóp tilek,
Ketpese degen bir úmit.

Ápkeń men jezdeń janyńa,
Erip kelgen ed qalyspaı.
Jaqyndaı almaı mańyńa,
Keýdeni jaryp, jan ushty-aı.

Kezdestik sonda tyǵylyp,
Jerlerde alys, kóz kórmes.
Saqtadym oıǵa uǵynyp,
Beıneńdi botam ózgermes.

Sekýndttar sanap, keterde
Qoshtasý baryn dóp túıdik.
Bir jazǵa, janym, jeter me?
О́zińdi qushqan tórt mınýt.

Avtobýs kelip ornyna,
Jigerdi mendik jasytty.
Bilmeımin, bálkim tońdy ma,
Sómkeler sonda asyqty.

Mańdaıdan súıip bes ret,
Shyǵaryp saldym ózińdi.
Baıqadym, biraq keshirek,
Jas japqan eken kózińdi.

Eshqashan shyqpas oıyńnan,
Kútip tur seni aq qonys.
Úsh aıǵa bizdi aıyrǵan,
Almaty. Vokzal. Avtobýs.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir