• USD 468.56

  • EUR 497.56

  • RUB 7.3

  • CNY 67.18

29 Naýryz, 05:41:25
Almaty
+35°

26 Maýsym, 2019 NEWS

100 naqty qadam: Bolashaqta týrızm Qazaqstannyń damýyna aıryqsha serpin beredi

Álem eldi taný úshin týrıster kóp kelýi kerek. О́ıtkeni týrızm salasynda tabys mol. Qazaqstanda da qazirgi ýaqytta osy salaǵa barynsha nazar aýdarylyp keledi. Aqıqatyn aıtsaq, ishki jáne syrtqy týrızm qazirgi ýaqyttaǵy memleket júrgizip otyrǵan basty saıasat.

100 naqty qadam:  Bolashaqta týrızm Qazaqstannyń damýyna aıryqsha serpin beredi Álem eldi taný úshin týrıster kóp kelýi kerek. О́ıtkeni týrızm salasynda tabys mol. Qazaqstanda da qazirgi ýaqytta osy salaǵa barynsha nazar aýdarylyp keledi. Aqıqatyn aıtsaq, ishki týrızm qazirgi ýaqyttaǵy memleket júrgizip otyrǵan basty saıasat. Nursultan Nazarbaev 100 naqty qadam Ult josparynda týrıstik klaster qurý jáne elde atalǵan salany damytý týraly (57 qadam) tapsyrma bergeni belgili. Osyǵan oraı qazirgi ýaqytta osy  baǵytta batyl qadam jasalynyp jatyr. Qazir týrıster baratyn Qazaqstandaǵy 10 aımaq maquldandy, naqtylandy jáne bekitildi. Olarǵa qatysty ınfraqurylymdyq jumys ta jasalynyp jatyr. Ol týraly áńgime keıinirek. Mádenıet jáne sport mınıstrliginiń janynan «Kazakh Tourism» ulttyq kompanııasy da quryldy.Qazir atalǵan kompanııa týrıstik ortanyń ımıdjin qalyptastyrý úshin qarqyndy jumys júrgizip jatyr. Prezıdenttiń Ult josparynan keıin jumystar da júıelindi. Jyl ótken saıyn Qazaqstanǵa kelýshi týrısterdiń de qatary arta bastady. Bir ǵana mysal, Dımash Qudaıbergenniń Londonda, Máskeýde jáne AQSh-taǵy halyqaralyq shoýǵa qatysýynyń ózi Qazaqstandy taǵy da álemge tanytty. Astanada ótken Dımash Qudaıbergenniń konsertine 60 -tan astam elden týrıster keldi. Mine munyń ózi – Qazaqstandy búkil álemge tanytý jáne tanystyrý. О́ıtkeni qazaq memleketi Dımash sekildi talanttarǵa kóp qoldaý jasap jatyr. Bul eldegi týrızmdi syrtqy elderge tanytýdyń da bir tásili dep ataýǵa bolady. Jalpy málimetterge nazar aýdarar bolsaq, jyl ótken saıyn elimizge keletin týrısterdiń sany ósýde. EKSPO kórmesine aǵylǵan týrıster odan keıingi ýaqytta da  tolas tapqan joq. Bir ǵana mysal, 2018 jyly Qazaqstanǵa kelgen týrısterdiń sany shamamen 8,79 mıllıon adamdy quraǵan. Bul 2017 jylmen salystyrǵanda 14,1 paıyz artyq degen sóz. Sońǵy jyldary ásirese, Birikken Arab Ámirlikteri, Indııa men Malaızııadan keletinderdiń shoǵyry artty.  Sondaı-aq Gonkong pen Ońtústik Koreıa men Qytaıdan kelip, Qazaqstandy aralaıtyndar da  kúrt kóbeıdi. Bul ǵana emes, Reseıden kelip, elimizdiń kórikti jerlerin kóretin azamattardyń da sany  jyl ótken saıyn artyp barady. Ásirese, bul Qazaqstanmen shekaralas aýdannyń azamattary ekenin aıta ketken jón. Aıta keter bir jaıt, Elbasynyń «Bolashaqqa baǵdar: Rýhanı jańǵyrý» jáne «Uly dalanyń jeti qyry» maqalasy aıasynda da ishki týrızmdi damytý qolǵa alyndy.  Osy jerde aıta keter bir jaıt, qazaqstandyqtardyń  búgingi tańda saýyqtyrý jáne jaǵajaı týrızmine ańsary kúshti. Bul oraıda Alakól, Balqash, Kaspıı teńizi men Býrabaı mańaıyndaǵy kólderge demalatyn azamattar kúrt kóbeıgen. 2018 jyly Qazaqstannyń kýrorttyq aımaqtarynda 1 mıllıonnan astam adam em alyp, demalyp qaıtqan kórinedi. Sondaı-aq 2018 jyly ishki týrızm salasynda 4,7 mıllıon adam el aralap, tarıhı -mádenı eskertkishter kóp ornalasqan aýmaqqa baryp qaıtqan. Sondaı-aq elimizde ekotýrızm salasy da qarqyndy damı bastady. Bul qysqa nemese bir-eik jáne tórt-bes kúndik saparlar. Elimizdiń kórikti jerlerin sholyp qaıtatyn týrıster bul jerlerde kóp aıaldamaıdy. Biraq sulýlylyǵyna suqtanyp qaıtady. Ekotýrızmniń bir jaqsy jaǵy da osy. Osyǵan baılanysty qazirgi ýaqytta Elbasy tapsyrmasyna saı, ekotýrızmdi damytý jaǵy qarqyndy túrde qolǵa alyndy.

Elbasy elimizde týrızmdi damytýǵa nege kóńil bólip otyr? Munyń sebebi nede?

1. Aqıqatyn aıtqanda, týrızmnen Qazaqstan ekonomıkalyq jaǵdaıyn jaqsartady.

2. Qazynaǵa qomaqty salyq túsedi.

3. Túsken salyqtan birqatar áleýmettik máseleler sheshiledi.

4. Jergilikti aýmaqta shaǵyn jáne orta kásipkerlik kásipkerlik damıdy.

5. Servıstik qyzmet jaqsarady

6. Maýsymdyq jumystar kóbeıedi, jumyssyzdardyń sany azaıady.

Árıne, munyń barlyǵy bir jylda sheshile salatyn sharýa emes. Sondyqtan da  Tuńǵysh Prezıdent Nursultan Nazarbaev óziniń «100 naqty qadam» strategııalyq qujatynda týrızm salasyna aıryqsha nazar aýdardy. Ult josparynyń  57-qadamynda  týrıstik klasterler qurý úshin álemdik tájirıbesi bar ınvesteorlardy tartý týraly másele kóterdi. Mundaǵy maqsat bireý – halyqaralyq týrızm salsynda básekelestikti arttyrý. Qazaqstannyń oń ımıdjjin qalyptastyrý.

Sondyqtan da qazirgi ýaqytta elimizde týrımdi damytýdyń memlekettik kartasy jasaldy. Mádenıet jáne sport mınıstrliginiń baspasóz hatshysynan alynǵan derekke sensek, qazirgi ýaqytta týrıster keletin elimizdegi eń úzdik 10 aımaq atalǵan. Sonymen qatar, týrıster baratyn nemese qyzyǵa kóretin 50 aımaq jáne bar. Onyń barlyǵynyń da ınfraqurylymdyq jáne kólik- jol  baǵyttary anyqtalyp, jumys júıeli júrgizilýde.  Bul boıynsha aldaǵy tórt-bes jylda týrıster aǵyny tórt esege artady degen málimet bar. Sondaı-aq osy baǵytta jańadan 65 myńǵa jýyq jumys oryndary qurylmaq. Sonymen...

Respýblıka boıynsha týrıster baratyn eń úzdik 10 baǵyt qaısy?

1.  Astana qalasy

2. «Býrabaı» kýrorttyq aımaǵy

3.  Alakól kóli

4. Almaty oblysynyń taý klasteri

5.  Baıanaýyl kýrorttyq aımaǵy

6. Imantaý-Shalqar kýrorttyq aımaǵy

7. Balqash kóli

8. Túrkistan qalasy, Qoja Ahmet Iаssaýı kesenesi,  Arystan bab,

9. Baıqońyr ǵarysh kesheni

10. Mańǵystaý aımaǵy Atalǵan 10 úzdik týrıstik aımaqqa jylyna 200 myńnan bastap 2 mıllıonǵa deıin adamdar keledi, tamashalaıdy. Kórip, kózderi toıyp, demalyp qaıtady.

Aqıqatynda 100 naqty qadam Ult josparynan keıin Qazaqstannyń damýyna erekshe serpin beretin týrıstik salaǵa aıraqsha nazar aýdaryla bastady. Bul árıne, memlekettiń, Úkimettiń baǵdarly jumysynyń nátıjesi dep bilemiz.

Avtor: Juldyz Muqanova

Author

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir