"Túrme vıse-mınıstrdiń kózimen": Sýhanberdıeva kitap jazdy

Búgin sot zalynan bosatylǵan burynǵy Bilim jáne ǵylym vıse-mınıstri Elmıra Sýhanberdıeva qamaýda otyrǵan kezde kitap jazǵanyn aıtty dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

"Túrmede otyrǵan 34 kún boıy men kitap jazdym. Onyń aty - "Túrme vıse-mınıstrdiń kózimen". Jaqyn arada jaryqqa shyǵady. Bul óte qyzyqty kitap bolady. Ol men týraly avtobıografııa emes, san alýan adamdardyń pikiri engiziledi. Men ony aıaqtaýǵa jaqynmyn. Ádebı túzetýler ǵana qaldy", - dedi Sýhanberdıeva.

Onyń aıtýynsha, bul kitapty sheteldikter surap otyr. Biraq vıse-mınıstr ony aldymen Qazaqstanda taratamyn deıdi.

"Qazir maǵan baspa ortalyqtary habarlasyp jatyr. Olar kitapty basyp berýge nıetti. Men arnaıy baspasóz máslıhatyn ótkizip, jýrnalısterge de taratamyn", - dedi Sýhanberdıeva.