Saǵyntaev saıabaqtaǵy sýburqaqty 470 mıllıon teńgege jóndemek (vıdeo)

Almaty qalasynyń jýyrda taǵaıyndalǵan jańa ákimi Baqytjan Saǵyntaev Bostandyq aýdanyn aralaý barysynda Tuńǵysh Prezıdent saıabaǵyndaǵy sýburqaqty jóndeýge tapsyrma berdi dep jazady Qamshy.kz aqparat agenttigi.

Saıabaq 2010 jyly qoldanysqa berilgen. Al kúrdeli jóndeýden 5 jyl buryn ótkizildi. Sońǵy ýaqyttarda sýburqaqtyń jumysy nasharlap barady. Arnaıy mamandardyń aıtýynsha, sýburqaqtyń barlyq bóligin aýystyrý qajet.

"Bul – qala turǵyndarynyń jaqsy kóretin, kóp qydyratyn oryny. Al sýburqaq – saıabaqtyń kórkin asyra túsetin dúnıe. Bul jerde árdaıym sýburqaq atqylap, mýzyka oınap turatyn. Qala turǵyndaryna osyndaı sulýlyqty qaıtarý úshin ákimshilik qarajat bóldi. Meniń oıymsha, kelesi jyly sýburqaq qaıtadan iske qosylady", - dedi "Eco Almaty" JShS basshysy Janna Asanova.