Ońtústik Qazaqstanda asa qaýipti juqpaly aýrý tirkeldi

Qazaqstannyń bas sanıtarlyq dárigeri Jandarbek Bekshın eldiń ońtústik óńirinde turǵyndar Kongo-Qyrym gemorragııalyq qyzbasyn juqtyrǵanyn aıtty dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

"9 jaǵdaı tirkeldi. Qyzylorda oblysynda 4 adam jáne Túrkistan oblysynda 4 adam juqtyrǵan. Taǵy bir adam bul aýrýdy О́zbekstan Respýblıkasynan juqtyrypty", - dedi ol ortalyq kommýnıkasııalar qyzmetinde ótken brıfıngte.

Osy oraıda Jandarbek Bekshın shetelge shyǵatyn qazaqstandyqtarǵa saq bolýǵa keńes berdi.

"О́te juqpaly aýrýlardyń bar ekenin esten shyǵarmaýymyz kerek. Mysaly, denge bezgegi. Sońǵy eki jylda 9 qazaqstandyq týrıst osy aýrýǵa shaldyqty. Qazaqstandyqtar Úndistan, Taıland, Vetnam, Sıngapýrde bolyp, ekzotıkalyq dertti juqtyrǵan", - dedi bas sanıtarlyq dáriger.