Júkti áıeldi jezókshelikke jekken jeńgetaı ustaldy

О́zbekstan azamatshasy Almaty qalasyna jumys izdep kelgen óz otandasyn jezókshelikpen aınalysýǵa májbúrlegen dep jazady Qamshy.kz aqparat agenttigi.

Eń soraqysy – belden tómen jumys jasap, quldyqqa túsken kelinshektiń jatyrynda tórt aılyq sábı bolǵan.

"Jábirlenýshiniń aıtýynsha, ol Almaty qalasyna eki aıǵa jumys jasaýǵa kelgen. Áıel osynda kelýi úshin kúıeýimen de tús shaıysyp qalǵanyn jasyrmaıdy. Ol Almatyǵa kelgennen keıin 1993 jylǵy S. esimdi azamatshamen tanysady. Jańa tanysy oǵan jumys usynypty. Biraq jábirlenýshi tanysy usynǵan jumystyń qandaı ekenin bas erkinen aıyrylǵanda bir-aq bilgen. О́tken túnde Túriksib aýdanynda tekseris júrgizgen Polısııa basqarmasynyń qyzmetkerleri О́zbekstan azamatshasyn qıyndyqtan qutqarǵan. Qazir oǵan qajet kómekter kórsetilýde", - dedi Almaty qalalyq Polısııa departamentiniń Qylmystyq polısııa basqarmasy basshysynyń orynbasary, polısııa maıory Tımýr Qarjaýbaev.

Aıta ketý kerek, polısııa qyzmetkerleriniń quryǵynan qutyla almaǵan S. esimdi azamatshanyń ústinen QR QK 308-baptyń 1-tarmaǵy boıynsha qylmystyq is qozǵaldy.