Altaı Kólginov: Burynǵy ákimder halyq jaıyn oılamaǵan!

Nur-Sultan qalasynyń ákimi Altaı Kólginov masaǵa talanǵan halyqtyń aryz-shaǵymy týraly pikir bildirdi dep jazady Qamshy.kz aqparat agenttigi.

"Masaǵa talanǵan halyqtan túsetin aryz-shaǵym sany artyp barady. Aýdan ákimderi men basqa da jaýapty azamattarǵa bul keleńsizdikpen kúresýge pármen berdim. Múmkin dezınseksııa qospalarynyń quramyna ózgeris engizý kerek shyǵar", - dep jazdy ákim Tvıtter paraqshasynda. 

Kólginov ózi otyrǵan orynnyń burynǵy ıelerin qatal synǵa aldy.

"Meniń aldymdaǵy ákimderdiń ne oılaǵanyn bilmeımin, biraq halyqty oılamaǵany anyq. Eger men jumys jasaǵan Oral qalasyna barsańyz, mundaı máseleler múldem joq", - dep túıdi ol sózin.

Eske sala keteıik, Altaı Kólginov Nur-Sultan qalasynyń ákimi bolyp 2019 jyldyń 13-maýsymy kúni taǵaıyndaldy. Oǵan deıin shahardy Baqyt Sultanov basqarǵan.