Álemniń iri kınostýdııa ókilderi Mańǵystaýda kıno túsirýdi josparlap otyr

Nur-Sultan qalasynda ótken 15-Halyqaralyq «Evrazııa» kınofestıvaliniń ashylýyna kelgen sheteldikter Elorda men Almaty oblystarynda bolyp, búginde at basyn Mańǵystaýǵa tiregen. О́zderińiz biletindeı, 2019 jyldyń 3-qańtarynda kıno týraly zań engizilip, onda sheteldik prodıýserlerdiń  elimizde túsiretin fılmderine barynsha qoldaý kórsetiletindigi jazylǵan. Osy maqsatta elimizdiń tabıǵaty, tarıhı eskertkishter jáne ulttyq bolmysymyzben tanysýǵa óńirimizge  AQSh, Jańa Zelandııa, Slovenııadan Discovery, NBC Universal, Global Film Solutions, Lionsgate, Warner Horison  syndy iri gollıvýdtyq kınokompanııa ókilderi keldi. Eki kúnge kelgen sapar aıasynda olar Sherqala taýyn, jerasty meshitterin aralap, shar tárizdes alyp tastardyń tarıhymen tanysty. Sondaı-aq, jartastaǵy soqpaq joldarmen  júrip ótip,  jelkendi qaıyqpen serýendedi.

«Nur-Sultannan bastaý alǵan saparymyz qyzyqty sátterge toly boldy. Kóp tájirıbe jınadyq. Erekshe shabyt aldym, tabıǵat qandaı erekshe.  Barlyq júrip ótken jerlerimizdi beınetaspaǵa túsirip kelemiz.Vıdeo – rolık jasap,óz elimizge barǵanda kórsetkimiz keledi. Qandaı baǵytta kıno túsiretinimizdi aldaǵy ýaqytta josparlaımyz» - dedi Discovery arnasynyń vıse-prezıdenti Djordjına Sýrtıs.

Jetisý óńiri men mańǵaz Mańǵystaýdyń tamasha tabıǵaty sheteldik kınokompanııa óqilderin erekshe tańǵaldyrǵan. Birinshi saparlary bolsa da, sharshaǵandaryna qaramastan erekshe áser qaldyrdy dep oı qorytty.