• USD 378.65
  • EUR 430.07
  • RUB 6
  • CNY 55.1
21 Tamyz, 09:33:28
Alpınısterdiń naqty qaı jerde ekeni áli belgisiz

08 Shilde, 2019 NEWS

Qorǵanys mınıstri Arysqa keldi

Qorǵanys vedomstvosynyń basshylyǵy birqatar naqty tapsyrmalar berdi.

О́ńirdegi jumys sapary barysynda áskerı vedomstvo basshysy general-maıor Nurlan Ermekbaev Arys mańyn qarap, arsenal men irgeles jatqan aýmaqty, sondaı-aq oq-dáriler qaldyqtaryn joıý boıynsha polıgondy tekserdi dep habarlaıdy Qamshy.kz aqparat agenttigi Qorǵanys mınıstrliginiń saıtyna silteme jasap.

Jumys júrip jatqan jerde oq-dáriler qaldyqtaryn tazartý jónindegi sharalardy oryndap jatqan ınjenerlik-saperlik, materıaldyq-tehnıkalyq bólimsheler jáne áskerı órt sóndirýshiler jeke quramymen qaýipsizdik sharalaryn saqtaý jóninde nusqama júrgizilgen.  

Arys polıgon

Qorǵanys vedomstvosynyń basshylyǵy birqatar naqty tapsyrmalar berdi. Birinshi kezekte adamdardyń qaýipsizdigin qamtamasyz etý. Ekinshi kezekte, oq-dárilerdiń bólikterin izdestirý jáne shyǵarý boıynsha jumystardy atqaryp júrgen áskerı qyzmetshilerdiń qaýipsizdigin saqtaý.

Sondaı-aq qolaısyz aýa-raıynda táýlik boıy jumys istep jatqan QR QK bólimsheleriniń jeke quramymen kezdesý ótti. Joǵarǵy Bas qolbasshy atap ótkendeı, tótenshe jaǵdaılardyń saldaryn joıý jónindegi áskerı qyzmetshilerdiń jumysy jaýyngerlik tapsyrmany oryndaýǵa baılanysty. Tótenshe jaǵdaı sebepterin aıqyndaý boıynsha ishki qyzmettik tergep-tekserýdi júrgizý úshin N. Ermekbaevpen birge QR Qorǵanys mınıstrligi Bas ınspeksııasynyń komıssııasy keldi.  

Esterińizge sala ketsek, osy óńirde jarylmaǵan oq-dárilerdi tıeý jáne shyǵarý, sondaı-aq oq-dárilerdiń qaldyqtaryn joıý jónindegi jumystar bastalǵanyn habarlaǵan bolatynbyz. Qala turǵyndary úshin atalǵan jumystar esh qaýip týǵyzbaıdy. 


Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir