Atyraýda olımpıada júldegerleri marapattaldy

Atyraýda qazaq tili men ádebıetinen ótken halyqaralyq olımpıadaǵa alty memleketten 62 oqýshy keldi dep habarlaıdy Qamshy.kz aqparat agenttigi Atyraý oblysynyń О́ńirlik kommýnıkasııalar qyzmetine silteme jasap. 

 

Keshe, 6 shildede, Qurmanǵazy atyndaǵy mádenıet úıinde qazaq tili men ádebıetinen halyqaralyq olımpıada júldegerlerin marapattaý saltanaty boldy. Qytaı, Mońǵolııa, Qyrǵyzstan, Reseı, Iran, О́zbekstan memleketterinen kelgen 62 oqýshy ana tilderinen bilimderin synǵa saldy. Júldegerlerge oblys ákiminiń birinshi orynbasary Serik Shapkenov marapattaryn tapsyrdy. 

 

-Qazaq dıasporasy ókilderiniń basqa elderde tursa da, ana tilderin jetik meńgergenderi, óz tilderinde sóılep, bilimderin jetildiretinderi qýantady. Halyq danalyǵynda aıtylǵandaı, óz tilin umytqan ult tamyryn joǵaltady. Basqa elderde tursa da, qazaq tilin meńgerip, otbasylarynda osy tilde sóılesetin osyndaı balalardyń arqasynda ana tilimizdiń bolashaǵy baıandy bolaryna senemin,-dedi olımpıada qatysýshylaryna Serik Shapkenov.

  

Halyqaralyq olımpıada qortyndysy boıynsha 5 qatysýshy altyn medal, 8 qatysýshy kúmis, 15 qatysýshy qola medal ıelendi.

 

"Balalar túrli atalymdar boıynsha da marapattaldy. Úzdik kórsetkish kórsetkenderge Qazaqstandaǵy JOO-da tegin oqýǵa sertıfıkattar, rektor granttary berildi",- deıdi oblystyq bilim berý basqarmasy basshysynyń mindetin atqarýshy Jansulý Tóremuratova. 

 

Olımpıada qortyndysy boıynsha barlyq balalar ana tiline degen qurmetteri úshin túrli syılyqtarǵa ıe boldy. 

 

Aıta ketý kerek, marapattardyń kópshiligin О́zbekstan Respýblıkasynan kelgen etnıkalyq qazaqtar jeńip aldy.