• USD 378.65
  • EUR 430.07
  • RUB 6
  • CNY 55.1
26 Tamyz, 05:08:22
Qoryqshylardyń materıaldyq-tehnıkalyq bazasy kúsheıtiledi

06 Shilde, 2019 Almaty oblysy

Almatyda "Biz birgemiz!" atty beıbit sherý bolyp ótti

Almatyda «Nur Otan» partııasynyń uıymdastyrýymen beıbit sherý ótti

Almatyda «Nur Otan» partııasynyń uıymdastyrýymen qalalyq máslıhat depýtattary, partııanyń almatylyq belsendi músheleri men jastar, qala turǵyndary qatysqan "Biz birgemiz!" atty beıbit sherý bolyp ótti dep jazady Qamshy.kz aqparat agenttigi. 

Jýrnalıst, pýblısıst, «Ana tili» gazetiniń bas redaktory Áshimjan Janarbek júrgizgen alqaly jıynda qoǵam qaıratkerleri, ónerdiń ókilderi, kópbalaly analar jáne jastar da óz oılaryn bildirdi.
Mıtıngke beıbit eldiń tynyshtyǵyna tilekshi, bolashaqqa senimmen qaraıtyn, kezinde el tarıhynyń bastaýyndaǵy eń mańyzdy sheshimder qabyldanǵan táýelsizdigimizdiń altyn besigi bolyp sanalatyn – Almaty turǵyndary qatysyp, jınalǵan qaýymǵa jalyndy sózderin arnady.

"Keshegi 90-ynshy jyldardy eske alaıyqshy. Ekonomıkanyń barlyq salasynda daǵdarys. Bir bólke nan men sút alý úshin tańnan keshke deıin kezekte turatynbyz. Ata-analarymyzdyń qyzmetin tastap, bizdi asyraý úshin bazar jaǵalap ketkeninemen de kýámin. Sabaǵymyzdy maıshammen oqyp erjettik.Osyndaı daǵdarysty jyldardan bizdi alyp shyqqan erteńgi jaqsy kúnderge degen senim, júrektegi patrıottyq sezim bolatyn. Mine, qazirtórtkúl dúnıemen terezemiz teńeldi. Al osyndaı aırandaı uıyp otyrǵan halqymyzdyń yntymaǵyn ydyratyp, el ishine iritki salǵysy keletinder bar. Kezinde qarapaıym halyqtyń banktegi aqshasyn jymqyryp ketken Ábilıazov búgin shetelde otyryp alyp halyqty taǵy da alasapyranǵa aıdap salǵysy keledi. Ondaı jalańsóz aıtaqqa erýdiń qajeti joq", – dedi qala jastary atynan minberge shyǵyp sóz sóılegen «Qadam PRO» JShS-niń dırektory Elnur Beısenbaev.

a

Sondaı-aq, ol jastardy jigerli, saýatty, parasatty bolýǵa, jaqsylyǵymyzdy asyryp júrýge, al kem-ketigimiz bolsa birge toltyrýǵa shaqyrdy. Sóziniń sońyn E.Beısenbaev Alashtyń ardaqty aqyny Maǵjan Jumabaevtyń «Men jastarǵa senemin» degen jalyndy jyrynan úzindi oqyp túıindedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir